عز الله ان مرضي المخاليق كايد

[الجويّر]

قلنا السلام وزوّدوها وقايد = جينا بخير وجاونا بالضرريا

يالله من مدّك علينا مدايد = يامن على امره سار مسرا القدريا

ياملّ عين ٍ ماغفت بالوسايد = كنها حريمة نومها بالسهريا

والقلب من دالوب الايام حايد = ومالوم قلب ٍ حاد جمع البشريا

احيد من شوف المكر والحقايد = وشي ٍ على بالي حشا ماخطريا

ماعاد اميّز بين حي ٍ وبايد = ياكود بين الالف تاخذ عشريا

وخبرت انا النقصان ماهوب زايد = وش جاه زاد اليوم مثل المطريا

والربح لامن فاض لشخص عايد = لاعاد ربح ولاتبيّن خبريا

انجزت زرعي بس مامن حصايد = غدوا بزرعي طاعنين الظهريا

وعز الله ان مرضي المخاليق كايد = ترضي نهر والصبح يزعل بحريا

ان كان جيت بواسعات البنايد = مثلي مثل منهوا عقود النظريا

وين انت ياللي بالرخا والشدايد = ياللي جبرت امن العزا مانكسريا

جعلك بعدهم سايد ٍ فوق سايد = اللي يساوون الكبر بالصغريا

وبيتي دفنته واكتمي ياجرايد = للاش يخفا والسنافي جهريا

وسلامتكم





الشاعر / سعود رتيبان الجويّر