هذهالقصيدة للشاعر //خالد العتيبي وهو غني عن التعريف
ولكم احدى قصائده عسى ان تعجبكم
الحظ مفتاح الدروب المغاليق
او قفل بيبان لليالي وخطاها
من ليله الحمى لقتك المعاليق
في ثلجها في جمرها في لضاها
واسكرك ياهمن ورا الحدب وتفيق
كل الطعون المرمسات وعناها
ومنين اببدا ياجداد الطواريق
وانتي مواريف الجروح وذراها
من ضيعه السجه ومر المذاويق
ولا من عيوني سهرها وماها
بعض العلوم يجف من دونها الريق
وبعض العلوم يجف ريقي وراها
كحلت عيني من وجيه المخاليق
للساعه للي ينثني من عصاها
ويومي زبنت العين في موقف الضيق
لقيت من كحل طرفها أعماها
بعض للحى عز بوجيه المطاليق
وبعض الوجيه أكبر خزاها لحاها
تغرك أزوال الرجال المطافيق
لو انها ماتختلف عن نساها
هزايل تلهث ورا الهرج وتضيق
من قبل تخلق والزمان يهجاها
للي ليا حملتها بالمواثيق
تضعضعت يسبق ميلها رغاها
وياليل وان مريت راع العشاريق
غب الهموم للي تزايد بلاها
قله طروش القلب جمع وتفاريق
ذود وطى قفر الظلوع ورعاها
ومابين مزموم الورق والشواهيق
ضييع دروبه وأن نزلها رقاها
وسلامتكم.........
03-05-2004, 02:44 PM
بعض للحى عز بوجيه المطاليق//وبعض الوجيه أكبر خزاها لحاها
العرض الشجري