××.. ياحزن ارحم شوي / خفف الصدمه عليّ ..××

[صـــبـــــــــا]

شفتوا شلون هالصوره
تحرق القلب وشعوره
نطّقت صمت مشاعر
كل عرقٍ صار شاعر
طفل يبكي آبي امّي
صراخه كنّه بدمّي
ضاع في هذا الزمان
نحمد الله على الأمان
.
.
من هنا صار العنا
الحزن / قلبي وأنا
ياحزن ارحم شوي
خفف الصدمه عليّ

هنا
إبتدى نزف
يترجم مشاعر طفل ٍ خانه التعبير ودموعه





يبه ماتت طموحاتي وماتـت أجمـل أحلامـي
..........تعبت أحلم بشوفتها ولا ادري كيـف ألاقيهـا؟
.
يبه ماتت هنا أمي .. مات أجمل هوى سامـي
..........ماتت من بنَت فينـي أمانـي كنـت أبحييهـا؟
.
تعااال وطالع كفوفي..تلاقي دمهـا حامـي..!!
..........تعااال وطالع بعيني .. تلاقـي زولهـا فيهـا؟
.
يبه ماكنت أنا أدري ولكن جيتها .. ظااااااامـي
..........عطشت وكنت أبي أروي ظمايـه مـن آياديهـا
.
عطشت وجيتها أمشي أردد كلمتـي ((مامـي))
..........لقيت أمـي تطالعنـي قبـل لأقـرب وأناديهـا
.
وقفت بجنبها أضحك .. وأطالع أسفل أقدامـي
..........وفجأه يايبه طاحت..! مدري وش حصل فيهـا
.
قعدت أهزّهـا يُمـه!! تعالـي غرفتـك نامـي
..........على بالي تعبَت مني ورجيت الله يشفيهـا...!!
.
وآثاريها يبه ماتت قبل لاتجبر اعظااامـي!!
..........عطتك اللي بقى من عمر .. وخلت كل طواريها
.
يبه ماتت على ايدي .. علـى ايـدي وقدامـي
..........يٌبه مابيها تسقيني .. خـلاص الحيـن ابسقيهـا
.
يٌبه تكفااا أبـي امـي أبيهـا ترجـع أحلامـي
..........يٌبه .. أمي تـرى تلعـب علينـا .. لا تخليهااا



صــبـــــــــــــــأ