البارحة يوم شمس الشعر تسطع بـي = وانا اتحرى لشمس الله مـن الشرفـه
وألعي على واحد قلبـه تولـع بـي = مايوم غنى ولا اسهـر للهوى طرفـه
الين حتـى تولـع بـي وولـع بـي = نار من الشوق صاليها لحـق طرفـه
من بعدها ياشقـى حالـي وياتعبـي = نفسي عن الشعر واهل الشعر منصرفه
مانيب يم الشعـر يالشاعـر الشعبـي = يابتوع مش عارف!! وشي ماأعرفـه
تبـي تهـز الجبـل بمسـدس لعبـي = والناس مع وارد المنصور منجرفـه
لاتستفـز القصيـد ولا ترّفـع بـي = الشعر ماهوب مهنة لاجـل تحترفـه
وان كان يامحترف تقدر على لعبـي = خلك على جنب لين اشوف لك صرفه
ماأحد عبالك ولالـك عندنـا معبـي = ياكود باب مداه اكبـر مـن الغرفـه
وانا من الناس ياسهلـي وياصعبـي = بحر تشوفه ولاتقـدر علـى غرفـه
مسكون بالشعر من راسي ليا كعبـي = والشعر ملكي وكل النـاس معترفـه
انا(....) مير يوم اصبحت من شعبي = حذفت تاج القصيد وصابنـي قرفـه
02-01-2006, 05:14 PM
العرض الشجري