أعلم وادر مافي العجمان صعاليك

[شــملان]

المشاركة الأصلية كتبت بواسطة [mark=FFCC00

اللزيزي وافتخر]مساكم الله بالخير اخواني الاعضاء

اقدم لكم هذه القصيده:
بعد التصحيح
اللي يصرفني الى قلت بجيك
حلفت لو ما ألقى معازيب ماجيه
يا شيخ أنا غني و أقول الله يغنيك
اللي عطاه الله القناعه بتغنيه
مطامعي متعديات مخابيك
اطمع مزايا الرجل مطمع مخابيه
لاجيتك اشحذ قول مانيب معطيك
اجيك ضيف واجب الضيف يبغيه
هلا وسهلا وارحب الله يحييك
كرامة الضيف يبيها وتقريه
ما قول فيك قصور صيتك يكفيك
خايف على حظي ولا نيب مهفيه
وشيخ ولد شيخ ولا فيك تشكيك
لاشك شيخا لايبيني ولابيه
لاهوب كرها لك ولادقة فيك
طبعك يخرب طيبك اللي تسويه
منته بأبوي أقول عونك ولبيك
سمّ ونعم وافرح ولاهوب لبيه
لبيه لو تكتب ثمنها على شيك
حبة خشم جاااااااااالس ولبيه مافيه
اعلم وادر مافي الهواجر صعاليك
شئ ينزل روسنا ما ندانيه
ماحنب للخرده عبيد مماليك
لو تملك الخرده من الهيه للهيه
نذر ويمين اثنين والثالثه ذيك
ما اخضع براسي للمصالح ووطيه
نفسي عزيزه فوق سحب السما تيك
أهين نفسي ليه أذلها ليه
الكنز عز النفس للأعلى يعليك
من عز نفسه للعوالي تعليه
بصيحلك يا اللي صياحي بيصحيك
اللي بيصغي للنصيحه بتصحيه
لامنك خليت المعزه تخليك
مهيب دكان تبيعه وتشريه
ماشي تمشيها وهي ماتمشيك
ما يمشي اللي يبي ماشي تمشيه
يا اللي لك إذن تسمع اللي يوصيك
وصّاك مطلق وابومطلق موصيه



وسلااااااااااااااامتكم.....،



الشـــاعـر
مطلق ابن ناصر ابن مطيع الهاجري

السموحه على الخطا

[/mark]


مشكور اخوي على التوضيح وانا مدري وانا اخيك لمن القصيده بس انا شفتها بمنتدى ونقلتها لكم
ومشكور مره ثانيه على التوضيح
ولحد يقول شالح سرق الشعر
خخخخخخخخخخخخخخخخخخخخخخخخخخخخخ
انا نقلته وعدلت فيه


يا أخ اللزيزى وفتخر..؟؟؟

القصيدة معروفة ومعروف من قالها هو الشاعر : مطلق بن ناصر أل طايع من بني هاجر

ومن يقط النور . رجل مافيه خير ..؟

انت تقول لااعرف من قائلها وانت تعرف من اي اتيت بها وكتبت عنوانها :

(( اعلم وادر ما فيى العجمان صعاليك ))

ماذا تقصد بها هل تبي تلفق القصيدة لك او تنسبها لشاعر من عندك

يا أخي ماله داعي هالحركات . انتم يا العجمان من خيرت القبائل وشعاركم معرفين . ولاتسمح

قبيلة مثل العجمان بان تلفق القصائد الى شعارها .

وسلام ختام....,