قصة الرومنسية والهنود

[ffahad]

هذا يا طويلين العمر والسلامة كان في الهند قبل ثمانية الاف سنة – عقب ايام الدينصورات –
كان فيه راهب هندي اسمه ((رومنسا)) .. هالرجال كان راعي صلاة ودين ,, ومع الايام انحرف الماخوذ وصار يعبد البقر والثيران كل ماشاف بقرة في الشارع قلبها خبيتي وراح يمرغ وجهة تحت رجليها ,, والثيران والبقر في ذاك الوقت كانت اليفة

المهم حبة حبة ...



وصار مع ((رومنسا)) 2000 هندي يسوون زية ----> صدق هنود

شاور ((رومنسا)) اتباعة ,, تطور الرجال واتفقوا يجمعون قطة من ابو هنووود ... المهم اتفقوا ان القطة من 50 روبية معتقة جمعوا الدراهم وراح ((رومنسا)) وبنى معبد لهم جنب نهر عندهم اسمه ((جاخو))


وصار ((رومنسا)) يجمع الارفقاء فيه كل يوم جمعة --- صاير مثل البطحاء

طالت المدة ودارت الايام ومات ((رومنسا))... وتشتتوا الهنود من بعدة


صار معبد ((رومنسا)) مهجور ,,, وسموه اهل القرية ((رمنسا)) على اسم اللي بناه

وصار المعبد مكان يتمعون فيه مصيعة الهنود وشبابهم العاطلين والصايعين هذا يشم وذاك شغال ابر والثالث يشفط والرابع يدندن على عود ويهز راسه

المهم صار المعبد ((سرداحي مرداحي)) -->>>ابوك يالدنيا



وكان من سكان القرية شاب هندي ( مملوح ) اسمه ((اقبال خان)) هذا كان راعي غزل ,, ابوه بطران وهات يا لفلفة في الاسواق والشوارع والملاهي الليلية -----> خطيرين الهنود دشير من مبطي

ومرة كان ((اقبال خان)) راكب الفيل -- الفيراني -- حق ابوه وماد خرطومه خمس امتار قدام ومرت من عنده وحدة اسمها ((شفيقة ساري)) بنية حليوة وعليها ردوف ومحنية الكفوف وشوف ياللي ما عمرك اتشوف داقه البنطلون ومكحلة عيونها ولابسة نقاب خلجي –اللي الحين يسمونه خليجي -----> اتاري حريمنا قديمات والمخصر والمصنفر



المهم مسوية عجب

اخذ الشارع ((اقبال خان)) ورجع (يو تيرن) وبدا يخمس بخرطوم الفيل – يحتك ببنت((ساري))

ونظرة منه ونظرة منها وضحكة منه وضحكه منها الا وشوي ويطلع ((اقبال)) من جيبة سكين !!



ويقطع اذن الفيل --الفيراني-- حق الوالد ويسجل عليه رقم بيجره --> اخص يالهنود

والفيل صار يحذف يمين يبيلة وزن اذرعة

اخذت ((شفيقة)) الرقم ... وراحت لبيتهم




بعد مدة ,,



كان ((اقبال)) راكب على فيل اخوة الصغير ((جاويد)) -- الرمادي الكشف—الا وقام الفيل الصغنطوط يهز ... خاف ((اقبال)) ان البنزين خلص وطلع راسه مع فتحة السقف يشوف التانكي الا ولقاه مليان ... دور وفتش اخيرا لقى الهزة وين ....اثره كان مركب البيجر على الهزاز



الا ورقم غريب في البيجر . لبق الفيل على جنب ,, ونزل يدور على الشارع تلفون

لقى تلفون وكلم الا وهي ((شفيقة)) وحصلت بينهم هالمكالمة ...


اقبال : مين فيه زرب بيزر.... الترجمة((مين اللي ضرب بيجر))


شفيقة : نهي نهي ( وتهز راسها) .... الترجمة(( ما احد )) ---- تستهبل شفيق

اقبال : كيف هازا رقم يزي اندي .........الترجمة((كيف هذا الرقم يجي عندي)) ----- يبي يطول الهرجة الخبيث

شفيقة : لهزه شوف ممكن صقير اخو .......... الترجمة((لحظة يمكن اخوي الصغير)) ----- ابوك يالغزل العذري

اقبال : طيب سوف انا يهب انتا من سمع صوت......الترجمة(( طيب شوفي انا حبيتك من صوتك)) ----- خطير اقبال ما عنده وقت


شفيقة : اووووه انا سم سم انتا .....الترجمة(( اوه انا مثلك)) ---- اخص يالهندية على طول صدقت

اقبال : كلاص متى موعد تمام سوف انتا ..... الترجمة((خلاص متى الموعد اللي يناسبك عشان اشوفك)) ---- ماعاد يستحمل اقبال


شفيقة : بابا موشكل اخو موشكل ..... الترجمة(( ابوي مشكلة واخوي مشكلة))


اقبال : ما في موشكل , كلام بابا انا روح سوق اشتري مقازي .... الترجمة(( ماهي مشكلة قولي لابوك انا ابي اروح للسوق اشتري مقاضي)) ------ خطير يالهندي


شفيقة : نهي نهي ( وتهز راسها ) كلو سوق ولد عم موجود ....الترجمة(( لا لا كل عيال عمي في السوق)) ----- شكل اقبال تحطم

اقبال : سوف ايزا فيه مسخره انا روح سوقل ..... الترجمة((شوفي اذا تستهبلين معي خليني اروح لشغلي)) ---- حس ان البنت راعية استهبال


شفيقة : نهي نهي (وتهز راسها هز) انا غرام ما فيه نوم مافيه اكل لازم سوف (جلدي جلدي) ......الترجمة(( لا لا انا مغرمة فيك ولا اقدر ارقد ولا اكل ,, لازم اشوفك بسرعة بسرعة ----- امحق حب هنود




اقبال : كلاص انتا في معلوم ((جاخو)) .....الترجمة((خلاص انتي تعرفين نهر جاخو)) ------- يلعن ابو المواعيد والتطليع


شفيقة : اها ( وتهز راسها من فوق لتحت ) .... الترجمة((ايوه))




اقبال : اكيد معلوم ((رومنسا)) امارة هناك موئد ..... الترجمة(( اكيد تعرفين عمارة رومنسا فهناك بيصير موعدنا ---- امحق توصيف


شفيقة : كلاص كلاص بوكرا اصر ..... الترجمة(( خلاص خلاص بكرة العصر )) ----- سحبها الثعلب وتوهقت البنية







وسكر الخط اقبال ورجع للفيل حق اخوه

لقى عنده عسكري يكتب قسيمة على قفا الفيل ,, وطنش ((اقبال)) العسكري ولا عبره ----> قلتلكم ولد نعمة واااااصل


المهم من قبل الغداء و((اقبال)) مسنتر هناك

مزهب الفرشة والغرشة عشان المرشة

وجايب معه قواطي قشطة وتونة وعسل ومربى وخبز تميس ومكرونة اندومي

وجاء العصر والبنت تاخرت ...



قال اقبال في نفسه : ( سكلي طهت في مكالب هق بنات ) .... الترجمة((شكلي طحت في المقالب حقت البنات))

وشوي وشوي




الا
وصوت فيل جاي من الديرة ويسوقه بنغالي وعندهم البنغاليين ما يسوقون الا فيلة الاجرة والتوصيل

فرح ((اقبال)) واستهل وجهه واسفهل

الا و((شفيقة)) فوق مرتبة الفيل ورا البنغالي.... لبق البنغالي بالفيل وعطاه ((اقبال)) حسابه وواعدة يجي بعد المغرب

جلسوا ((اقبال وشفيقة)) في معبد ((رومنسا)) على الزل اللي جايبة ((اقبال)) من مخيم الوالد

وراح الوقت بدون ما يحسون



واثر الدنيا قايمة وقاعدة في بيت ((ساري)) ... ويجون عيال عم ((شفيقة)) اللي في السوق ,,, ويتجمعون الربع عند شيخ فخذهم ((فخذ المصاطيل))--- طاقين الشمغ والنعال والطواقي

وبعد مداولات بني هنود..



الا وداخل عليهم اثنين من عيال عم ((شفيقة)) يسحبون البنغالي راعي الليموزين وومحطوبه وفارشينه فرش

جاتهم اخباريات عنه ..


ودلهم ابو بنقا على مكان ((شفيقة)) ..


ودقوا عيال الديرة والقبيلة سلف الفيلة متجهين لمعبد ((رومنسا))

الا ويحصلون ((شفيقة)) و((اقبال)) في اوضاع مخلة --> واعيباه يااقبال لا ومشغلين شريط ((ام كلثوم)) ..


وهل راى الحب سكارى مثلنا ..... -----> قالبينها الشيوخ حب عذري

ويمسكون الاثنين وكل الجماعة حقد وزعل عليهم ,, وقرر شيخ فخذهم (( فخذ المصاطيل)) اعدامهم

وربطوا (( اقبال)) في كنداسة فيل و ((شفيقة)) في كنداسة فيل ثاني وسحبوهم سحب الى الديرة

وصار ((اقبال)) يغني ويمول لبناني: يزرب الهوب سو بيزل .... الترجمة(( يضرب الحب شو بيذل ... ))



ووصلوا القرية ... ونادوا وجهاء ((فخذ المصافيق)) اللي منهم ((اقبال)) وعلموهم القصة واتفقوا على اعدامهم في معبد ((رومنسا)) تاديبا لهم

ومسكو ((خان))ابو((اقبال)) وقالوله لا تعطي الجهال فيلتكم عشان يدورون بها الديرة ويزعجون بنات الناس


نزل راسه ((خان)) حس بغلطته ,, قام وشهد الجماعة انه سحب الفيل الرمادي الكشف اللي مع ((جاويد)) ----- مسكين ماله ذنب



راحوا اهل الديرة كلهم لمعبد ((رومنسا)) وهم يصيحون وينادون


((( رونسي )) ((( رومنسي ))) ((( رومنسي )))



يقصدون ((اقبال))و((شفيقة)) شهداء الرومانسية والغفلة


وذبحوهم واحرقوا جثثهم ونثروا رمادهم في ارجاء معبد ((رومنسا))

ومن ذيك الايام



وصاروا الهنود ينادون كا اثنين يتهامسون مع بعض بالتليفون او في مكان مختفي او صاد (( رومانسي))




فاخذ العالم

كلمة (( الرومانسية )) رمزاً للحب





وسلامتكم ...


* هكوك التبه مهفوزه (( الترجمة )) >>>>> حقوق الطبع محفوظة