][العنود^^^ الجامعيه ][

[عبدالناصر آل عبدان]

أررررحبووووااا

اهديكم هذه المتواضعه
\
/
\

الظروف اللي اجمعتني بالعنود الجامعيه = جمعتنا بالدراسه يوم قلبي مانساها

أستلذت في غرامي كل شعر الجاهليه = لين سخرت القوافي من هواها في غلاها

هي عنود الصيد هي اطهر وانقا مودميه = هي الهنوف اللي تعدت كل وصفن في حلاها

يشهد الله مانظرت بعينها غير الحميّه = ومارأيت إلا المعزه والشموخ اللي زهاها

بنت شيخ ٍ هو عقيد القوم فعل ومقدريه = رابيه في بيت عز وطاعة ٍ للي براها

كامله والكامل اللي خالقن كل البريه = مانقصها غير تخبرني وتفصح وش خفاها

لي معاها عام كامل غامضه ذا الآدميه = حيرتني واربكتني وازعلتني من جفاها

ويوم انا أشفيت الممات ولاحياة ولاعطيه = قلت يانفس العنا ليه العنا وانتي هواها

لعنبو منهو تراجع عن هواه وعن خويّه = لين يدرك غاية المجمول يرقا مستواها

وجيتها شايل خفوقي واردن حوض المنيّه = في يميني بيرق العشاق قايد في لواها

شارح ظروفن حدت قلبي على عشق بدويه = ماعشق غير البداوه والجمال اللي كساها

وقدر الله نلتقي في أغرب زمن يا أحلى صبيّه = وقدر الله لي أهيم ابحرها وأغفر خطاها

وكان حبي واضحن وضح النقا وين الخطيّه = دفتري مفتوح واقري صفحتي واللي وراها

وان قريتي دفترن مخطوط بحروف أبجديه = أنكتب في أول سطوره جملة ٍ محدن قراها

ساقني حتى القدر صوبه ولا لي فيه نيّه = غير حظي والظروف اللي جمعت وقتي معاها

وسلاااامتكم




عبدالناصر