((سااااااااااااااااااااااااااااااااااااااااااااااا ره))

[الـــكايـــد]

السلام عليكم ورحمة الله وبركاته

هيه ياقلب العنا وين انت غادي = لاتفز ولا تورطك اللقشاره
خابر صبرك مثل صبر المهادي = يوم شاف الجور من معطان جاره
ويش حدك للمشاكل والطرادي = وانت تدري ولعت النار الشراره
شايفك مخطي ولا جيت بسدادي = منكر (ن) فزك لمنك شفت ساره
مابعد لك في السوالف والودادي = كون ساعه خل نصبك والعياره
قال تكفى قربها غاية مرادي = والله ان اعطي على الشوف البشاره
هرجها يامسندي شربي وزادي = والله ان كنه علاج للمراره
احاماها واخذ منطوق وكادي = في يمين القلب والا في يساره
عزوة لي في الصباح وفي الهجادي = والطريق الزين ما نخطي مساره
قلت له يالقلب هرجك غير عادي = والله ان عرفك بعد هذي خساره
والمثل قد قال في ضرب العوادي =اشهد ان عرف الرجال اكبر تجاره