آخر قصيدة للشاعر و الفارس و الامير نمر بن عدوان

[راكان العدوان]

ممن ذكرهم التاريخ بالفروسيه والشجاعه والشعر (( نمــــــــر بن عدوان )) أمير العداون ،، له قصص كثيره وقصايد أكثر ،، وعرفنا كيف كانت حياته ،، وكيف كان حزنه بحرمته وضحى ،، وما قال به من مرثيات ،،


ومن ضمن القصائد هذه القصيده ،، وهي آخر ما قال بحياته ،، وقاله وكان بسكرات الموت ،، أيتمثل انه يشوف الملائكه جوه ،، فقام وقال القصيده وسواه عن طريق المحاوره ،، يسولف لهم ويسولفون له ،،

توفى وعمره 78سنه ،، وأصيب بالسخونه وقام يهذري من شدة المرض اللي به ،، ويوم حس ان الموت جاه قال هالقصيده

يخاطب به الملائكه


قال نمر

ياركب جيتوا منين ولوين لافين = جيتوا تحبون الركايب خفافي
أشوفكم عجلين منتم مرِيضين = ومن يمنا ياخوك منتم نظافي
لانتم خزاعن من ورى الشط لافين = ولانتم عقيلاتن عليكم جفافي
أنتم طروش الموت منتم خفيين = يا مرحبا بالحق لاصار لافي
أن جّو هل الديره وقالوا نمر وين = قولوا نمر في سكرة الموت غافي
جار الزمن ياعقاب جورن عليّ شين = وترى عيشتي من عقب وضحى عيافي
يامن ذكرلي طارشه هو غدا وين = يا سامعين الصوت هو وين لافي
قالوا لي وضحى أرسلت لك سلامين = واحد صباح الخير وأحدن عوافي
وسألتهم بالله من وين ولوين = تبغوا العطا والا تبون المضافي

قالوا ما نبي منك بن بفناجيل = وترى قهوتك مانشفها بالأشافي
وبارودتك ماتنفعك يالمسيكين = حنا طروش الحق مابه تخافي
حنا رسل من خالق العرش والدين = رسل الكريم من البشر ما نخافي

فقال نمر بعد ماسكت شوي وهو رد عليهم :

يا مرحبا تقلطوا لا تريضون = مانا من اللي من المنيه يخافي
وماني على الدنيا حزينن ومغبون = من عقب زينة لابسات الغدافي
إلجنة الفردوس انتم تزفون = أشوف وضحى مزينه بالعفافي

وبعدها توفي رحمه الله ،، وعسى الله يجمعه بوضحى في فسيح جناته والمسلمين

وهـــــــــــــــــــــــــــــذه آخر قصيده للفارس والشاعر والامير نمـــــــــــر بن عدوان

و دمتم..

حنا العدوان لا زعلنا سكرنا=نسكر بدون الخمر نسكر شجاعه
كم راس شيخ بالمراغة عفرنا=و كم من مخلوق قد وطينا نخاعه
موحدين..لكن لا زعلنا كفرنا=نلعن أبو من قال سمع و طاعة !!