قصيده فكاهيه في هامور الاسهم

[عبدالله الودعاني]

قصيده فكاهية أهديها (هدية قدوم ) وهي تجسد شعور شخص اقترض مبلغ مالي ودخل به سوق الاسهم وبعد ذلك توالت عليه النسب بالنزول كما تعلمون حالياً نظراً للتحدي الحاصل من التجار لهيئة سوق المال بعد تخفيض النسبة الى 5 % اتمنى ان تنال امتاعكم فهو هدفي

ترفق على حـال المساكيـن ياهمـور=تحديك سوق المال رحنا الضحايا فيـه
خذيت الفوايد بالدبل والثـري والفـور=وبقا نصف راس المال من فضلك اتخليه
جمعناه دين والوفا عقب خمس اشهور=يلا جاني الديان بـاالله كيـف اعطيـه
اخوك ايتستر وانت لاتكشف المستـور=دخيلك من الإحراج تو العـرب تعفيـه
تهور يبي عقب الغداري يشوف النـور=وذلحين عاف النور من خوف لاتعميـه
ولا أنتب على مرزق فقير العرب مجبور=رصيدك لو يوزع على العالـم ايكفيـه
وإذا رفت بالأحوال بيقول لـك مشـور=و (وعد) مايطب السوق لابارك الله فيه

الشاعر| مضارب أسهم غير موفق