من فايض الشوق عنيت المناديبي=في ساقت اللي علي ابطت منادي به
يالله ياعالمن بالجهر والغيبي=انك علينا الباس الستر تظفي به
حنابشر مابنا اللي مامعه عيبي=والرابح اللي خذيته من كشف عي به
سود الليالي تقّبلبي وتقفيبي=وانا على كيفها والغيب مدري به
لااخطيت ماودي ان ذالناس تدريبي=ماحظه بحوله اللي الناس تدري به
يامنوتي روفي بحالك وروفيبي=إبليس من بيننا طفّي مشاهي به
خافي من الله حبّك لايهذريبي=الحب سلال حال اللي يهذري به
عليك بالصدق وش لك بالاكاذيبي=هرج الفراغات لالك به ولالي به
ماكل من يبذل المجهود بمصيبي=الا حظيظٍ حظوظه دايم مصي به
لون كّفي شحيحه ماخلا جيبي=مير الزمن بار بالطيّب على طي به
10-03-2006, 04:57 PM
العرض الشجري