اسعد الله مساء الجميع بكل خير وسرور
اهـلا هـلا عـد بـراقٍ بنـوه يلـوج=وماشعشع النور واصبح بالظلام انبلاج
بالصاحب اللي عليه مضيقات الفجـوج=ونوا يعبر البحر لاكـن تهيـج ومـاج
ثم عود يشد فوق العاديـات السـروج=لاكن جوه غدا كلـه سمـوم وعجـاج
بسباب منهو سلب عقله بزين الهـروج=من عقب ماخدر( العابر) بضحك الحجاج
الله يعينك دروب الحب ياذيـب عـوج=من صابه الحب عاش بغاية الأنزعـاج
خصٍ لياصادفه بالدرب خطوا الغنـوج=تعرض بخدٍ يسبـب للعقـول ارتجـاج
والعود ناعم كما غصنٍ بخضر المروج = من حيث ماهب نسناس الهوا معه راج
غض النهد والجدايل فوق ردفه تموج = يجرح شعورك ليا أقفى وان نطحته علاج
اصبر لوان الهموم تجيك فوجٍ(ن)وفوج=لاتتبع اللـي يفـوت ولا تعكـر مـزاج
حلم الله اوسع ولا تاخذك كثر الرعـوج=ولا بد دنياك لو ضاقة يجيهـا انفـراج
سج النفس في زمانك خل عنك اللجوج=وابعد عن الناس لاكثر الحكي واللجـاج
والأادمي لو نزل في عاليـات البـروج=لابد يومٍ يطفـى فيـه نـور السـراج
العرض الشجري