لدي بعض الأبيات البسيطه ابي أعرضها عليكم وإن شاء الله تنال رضاكم وإعجابكم وهالمره جايكم بلون مختلف لأن كثير ممن علقوا على قصائدي الاولى يقولون انت كلك حزن في حزن هذا غير الرسايل الخاصه وانا قلت اكثر من مره اني لست من الناس اللي يتخيلون يعني الشيء اللي ماعيشه ماقدر اكتب عنه فعندي هالابيات البسيطه والله مدري وش اسميها الوكاد ان النفس طابت.....
ماكنت أظنه طريقٍٍ كل من جاء مشاه
كنت أحسبه درب للسادات مثلي أنا
إلين دار الزمن وفلان بين خفاه
ياشين بعض العلوم اللي تجيب العنا
واليوم بقول روح شوف لك من تباه
النفس طابت وطاب القلب ثم إهتنا
مصير الايام تثبت من بيوقف سواه
اللي غدرته وخنته من هو؟ أكيد أنا
ولاتحسب اللي عملته نقص في مستواه
بالعكس في مستواك اللي بقلبه دنا
وأنا من اللي الى أدبر مايناظر وراه
ولاني من اللي يعاقب كل من هو جنا
انا من اللي الى من غاب كلا بكاه
والى حضر كل واحد فرح له وأهتنا
والا أنت دور على طولك وعرضك عباه
واحضر تلاعب مع السادات مثلي أنا
وسلامتكم
16-03-2006, 05:57 AM
السادات مثلي أنا
العرض الشجري