مجاراة محمد العرجاني لقصيدة سعد بن جدلان

[ولد عرجا]

اخواني اعضاء منتدى العجمان
اهني كل عضو ينتمى لهذا المنتدى الرائع
الذي يحفظ موروث قبيلة العجمان وقبايل يام كلها
وانشاء الله من الافضل الافضل باذن الله
بما انها اول مشاركه فعليه لي في هذا المنتدى
اتمنى ان تحوز على رضاكم واعجابكم
وان اكون اضفت بها ولو شي بسيط

الموضوع هو قصيده للشاعر محمد العرجاني
جارا فيها الشاعر الداهيه سعد بن جدلان

وهي قصيدة المشهوره :
ودنا بالطيب بس الزمن جحاد طيب *** كل ماتخلص مع الناس كنك تغشها

فاليكم القصيده ولكم الحكم

عيت حروف القصايد في عيونـي لا تشيـب
كل ماطابت هجوسـي جاهـا علـم و نشّهـا

ماصويب إلا الذي من دورة الدنيـا صويـب
إللي لا طارت حلومه ولا قعدت فـي عشّهـا

ضاع وقته بين صابت أو عساها مـا تخيـب
لا خذا من الشام عذق(ن) واليمن مـا دشّهـا

ويالبيب العقل ياللـي مامثـل عقلـك لبيـب
الوصل غصـون رحمـة والهجـر محشّهـا

والخطا لا صار جالك من رفيق لـك قريـب
فلا تدقق ياالسنافـي فـي الخطايـا ومشّهـا

ماخلق في الناس كامل كل شخص وفيه عيب
والنوايـا الله أعلـم عـن صفاهـا وغشّهـا

وأنت لو جالك تخير في الرفيق وفي الصحيب
فأختـر أحـرار نـوادر والزلايـب طشّهـا

أختر إللي لأستشاطت صامل ورأيه صليـب
وأترك رخوم عرقهـا فـي اللـزوم يبشّهـا

الشيـاة لهـا خـوار والذيـاب لهـا قنيـب
وأنت فطنٍ وتعـرف سرحانهـا مـن كبشّهـا

أبعـد الله دار رجـل فـي اللـوازم ماينيـب
شغلتـه يآكـل وكفـه فـي الجـدار يمشّهـا

جعل أبيه الشين وأمه جعلها ماتجيب صيـب
ودار يحـل بثراهـا جعـل يقطـع رشّـهـا



وسلامتكم

اخــــــوكم : ولــــــــــــــــد عرجا

للتواصل
fffnfff@hotmail.com