(((عــجـــــزت الا انـســــــــــــــــــــى)))

[برق الوسم]

((عجزت لاانسى))
حبايبي رواد صدى المشاعر
يؤسفني جدا الغياب لظروف خارجه عن ارادتي
ويسرني ان اضع هذه الخاطره بين ايديكم بامل اعجابكم
وان تحوز على رضاكم ولكم كل الغلا والمحبه والتقدير
محبكم
اخووووكم برق الوسم

عجزت لاانسى ولاادله عن غلا خلي=ياخذني الشوق من داري علـى داره
يجذبني الشوق غصب(ن)واندفع كلي=اسج رجلـي واقـول الرجـل دواره
كل(ن)يسولف وانا مع طيفه امولـي=اغيب تاره وافيق مـع الامـل تـاره
ابو جديلـن علـى الامتـان متدلـي=شقر الذوايب تماريبه هـل الحـاره
تشـارك الروح(في)مشاركـة ظلـي=وان غابت الشمس بالاحلام زواره
تجلس معي باالخيال بنايـف التلـي=ونبنـي مشاريـع بالاحـلام جبـاره
تزعل وترضى وطبع الشوق متغلـي=ياحلو هاك التغلـي والزعـل جـاره
نعتب على الحظ واهلنا معه واللـي=ياقف على الدرب ينشر تالي اخباره