رمز الأمم

[منصور بن منيخر]

قصيدة في صاحب السمو الملكي الأمير/سلمان بن عبدالعزيز
أمير منطقة الرياض حفظه الله

الله لحكام الجزيره يمهّل=أل سعود ملوكنا طول الأزمان
ويا كاتب التاريخ دوّن وسجّل=للحكم حكاّمه وللكتب عنوان
لا اللي في علم الغيب في بطون حمّل=ولا اللي ولدّن ما طلع مثل سلمان
حاله وماله في رضاء الله سبّل=تقصر قدم يمناه جزلات الايمان
جمعية الأيتام فيها تكفّل= وتدعم كبار السن (جمعية أنسان)
يمسح علي راس اليتيم ويقبّل=لا شان وجه الوقت للناس ما شان
والبر سجّل فيه قصّر ورمّل=يلقي جزاها يوم روغات الأذهان
كم ليلة(ن)فيها بنفسه تجوّل=فاروق هذا الجيل للعدل ميزان
ولا قيل مرّه من وفوده تملّل=في القصر في المجلس وفي كل ديوان
كم مشكله في حلّها قد توصّل=جزاه منّا الخير كلّه والأحسان
هداج لو زادت وروده تحمّل=كم ضام(ن)ورده وصدره رويان
وكم شاعر(ن) لأجل سموه تمثّل=نوادر(ن)في الوصف لولو ومرجان
والله لعمرك يا ذرانا يطوّل=غيث(ن)هماليله علي كل الأوطان
ونجد العذيّه في سموّك تغزّل=يا سيف عبدالله ويا درع سلطان
تجود من مالك وكم لك تفضّل=يا أبو اليتاما يا ذري كل حيران
لا قمت كل الشّعب كبّر وهلّل=رمز الأمم يا أمير في حقوق الأنسان
وكفّك علي شعب الجزيره تجمّل=تروي ظما الظامي وتقرئ الجويعان
وكم واحد(ن) في مجلسك ما تعطّل=حكّمت شرع الله والحق سلطان
ومن شاف له مخطي سنع ما يهمّل=أقولها للناس في سر وعلان
صبرت طول الوقت والصبّر كمّل=والصبر زين وشين في بعض الاحيان
واليوم راس الكفر حرم وحلّل=ولا عاشت الحيّه بلا ناب ولسان
قناة راس غليس فيها المهوّل=اللي بها غادي ومخطي وفسقان
مثل فقيه اللي علينا تقوّل=سفيه في عقله مية ألف شيطان
اللي مع الأرهاب صفّق وطبّل=خاين وحصّل دار في الغرب وأعوان
من ملّة الأسلام قلبه تحوّل=ماله يا كود الحد بالسيف شامان
وكم جاهل(ن) أغوي بفكره وظلّل=خاسر علي الدنياء وفي الحشر خسران
وفكره ونهجه بيننا ما تسلّل=حنّا جنود الله علي العهد عجمان
وعقول عبتّها نفوس المسلّل=يلقي بها الشيطان مسكن مع الجان
وحنّا هل التوحيد ضد المهبّل=علي عهدّنا ما نقضّنا للأيمان
ومنّا طوابير الحرايب تشكّل =في خلف أبو تركي وقدّام الأخوان
ورزقني علي رب المخاليق الأوّل=بيده عصي موسي وخاتم سليمان
وعد السحاب اللي علي الكون همّل=صلوا علي المعصوم ما هل ودّان
خير البشر و أختاره الله وفضّل=صفوة قريش الهاشمي نسل عدنان