لأيامنا نظام متغير وللدنيا طقوس=وأفكارنا قد تختلف بما نحس وتحتوي
بعض النفوس من الحزن تشره على بعض النفوس=غير النفوس نفوس لاتشبع ولاهي ترتوي
ياليت هاالعالم سوى فالحزن حتى ماندوس=على مشاعر غيرنا وقلوبنا ماتنكوي
قولوا لسارة بنت ستر القوم والحد محروس=أبيش ماهو من ضعاف القوم طافين الضوي
تفاخري يالعيطموس وسولفي يالعيطموس=وأرقي على متن السحاب وخلي الذيب يعوي
الحزن وسط القلب مثل النبت فالقاع مغروس=وعزومنا مثل النجوم تغيب لكن ماتهوي
وأنا من الشعار شاعر ماتتعبه الهجوس=إلا نويت أسري وأنا شفقان والليل سروي
يامل قلبن كل مامال الغصن والريح كوس=قامت عروقه تشتبك ورى الضلوع وتلتوي
وبدت على وجه الرضي علامة الوجه البؤوس=حتى استوى مقامها لوأنها ماتستوي
إلى ذوي ركابة الخيل وذوي صلف التروس=البارحه ماكن لي فركون ذا الديره ذوي
ياسل حالي سل كبدٍ في طرفها الآخر شق موس=والحزن ياكل من طرفها الآخر وهي تنزوي
ورحمة الله وبركاته ياحفيد اللي تروس=اللي يروس وكثرهم لكنهم بعدك شوي
لوأن مالك عيد يحسب لك مثل عيد الجلوس=أنت أكرم من الفاطمي وانت أشرف من الاموي
تكفى ياأبو ماجد أثري الحزن منطقه معكوس=أقولها وانا سوي وأقولها مانيب سوي
أول ماودعتك وانا خابرك ضرس من الضروس=دنقت راسي حاذفن روحي وقدني محتوي
ولاذكرت من التجارب والصبر ولاالدروس=إلا انت يابن العم والمحزم ومقباس الخوي
أرتاح للعبد القوي إلا فهاليوم العبوس=ارتحت للعبد الضعيف أكثر من العبد القوي
الشـــاعر/ محمد بن راشد بن الذيب
وســـلامـــــتـــــكــــــم
العرض الشجري