اهداء للاخ العماني .. قصيدة عبلان

[فهدالعجمي]

هذه القصيده ارسلها الفارس عبلان المصراني مع ابنه سعد ليام واحب ان يذكر خصال قبيلة الدواسر كون صاحب الرساله سوف يمر في ديارهم يقول :

الا ياسعد دنوا معاويد ضمر = عيرات من حدب الظهور النجايب
سود المدانع من عمان منتبه = ما وقفت في كل سوق جلايب
كنها مع الفرجه ليا روحت بكم = سفن مع الغبه قفتها هبايب
والا كما ريم مع الجو هرب = قد حققت شوف العرب بالحبايب
من فوقها اللي مايهابون فرجه = فهود الزراج بايحين الزرايب
مصاقيل جم ومعاويد غربه = ومناعير لاشبت ضوي الاهايب
نص الركايب غلمة زايديه = يانعم من تلفي عليهم الركايب
هشين بشين على العسر والقسا = وفرسان لاشبت ضوي الحرايب
ومن كان مضيوم فيزبن جالهم = حتى تقطع منه كل الطلايب
وايضا الركايب نصها صلب جدنا = وسلم على شبانهم مع كل شايب
يامية يشكي الملايل حريبهم = الا وكم شر وهم له سبايب
ان سايلوا عنا نطلب حضورهم = لعزيمة ندعي لها كل غايب
على مزاغيف ومطارق القنا = ومن فوق زلبات مناها الهذايب
وياما غدا في دقلنا من اشمره = منها عشا طير ومنها جنايب
وياما غدا في دقلنا من مجرب = زيزوم سلفان يخسر الركايب
وجموعنا لادبرة لزوم تنثني = مثل السباع اللي عشاها النهايب
هواشم نسل الشريف معرب = ما حن بهافين المناسب ضرايب
من سبنا سبه وليه ولاث له = في معتكل يوم لعجه صلايب
هذا وصلى الله على سيد الملا = اعداد ماتنثر حقوق السحايب