<<.. صـدي & هجـــراني .. >>

[قبلةالعجمان]

يازين لا يزعلك صـدّي و هجرانـي=ولاتنزعج يوم قلبـي فيـك عزيتـه
والله لو انّك تعاني مثل مـا آعانـي=لتسوّي اكثر من اللي معك سوّيتـه
عطيتك اجمل سنين العمـر مجّانـي=وحبّيتك أكثر من أي إنسان حبّيتـه
بغيت اسلّمك قلبي مير مـا امدانـي=مرّيتـه بغفلـة ٍ منـك و تعدّيتـه!
اعماك شكّك مثل ماحبّـك اعمانـي=ياجـرح قلبـي و ياطبّـه وعافيتـه
جيت الك اسوق الغلا من كل وجداني=ورجعت ما ادركت معك اللي تمنّيته
إن كان حكم الغلا خـلاك تنسانـي=انا نسيـت الغـلا كلّـه و خلّيتـه
تراك سويت فيني موقـف إنسانـي=لو عقبك الهـمّ خاوانـي وخاويتـه
وإن كان حبيت غيري واحـدٍ ثانـي=حبّه و حطّه تحت رمشك ليا اغفيته
لكنّ طالبك اخذ حذرك علـى شانـي=كم عاشق ٍ خانه الحب و خرب بيته!

وسلامتـــــكم