ياللي عطيتك غالي الحب وانكرت = الله حسيبك صرت من ضمن الاشراس
من سبـّـتك باللي جرالي تغيرت = صرت ارخص الغالي ولا اسأل عن الناس
ماعاد تفرق لو ربحت وتخاسرت = متساوية عندي غناتي والافلاس
ومادامني منك صويب وتضررت = من عاد ابضمن بالوفا قلب حساس
ياصفوة الايام دامك تكدرت = كيف اقبل الدنيا بضحكه ونوماس
درب الفرح يمنا وعنـّـه تياسرت = متياسر ٍ درب الظليمه والاتعاس
ومطاول ٍ دربي وبالحزن سامرت = ليل ٍجذبلي كل هم ٍ وهوجاس
كني الغرير اليا لهفت وتعبرت = متكسـّر العبره وضاقنّ الانفاس
الراس مدوش من كثر ماتحيرت = وشي ٍ بجوفي ينبهه هزة الراس
وحلفت انا ماصبر كثر ماتصبرت = مليت من صبري ومن كل وسواس
بدله ولو الناس قالوا تجبرت =بضحك وانا في غب الاحزان غطـّـاس
وبجمع شتاتي لاولهت وتنثرت = بجزم وببعد واقطع اوصال الارماس
عل وعسا لامن من لحب كابرت =انسا جروح ٍ داخلي خلف الاقواس
وسلامتكم
الشاعر سعود ارتيبان الجوير
العرض الشجري