اغلب الوقت فاجع

[محمد عبيد]

اللي يفوت الناس ما هو براجع=واللي تحرى فايت الفوت منجوم
بعض العرب في كل بستان ناجع=وبعض العرب من كل ما راد محروم
ايقنت انا بأن اغلب الوقت فاجع=وان المقدّر للمخاليق محسوم
كلٍ يصادف في حياته مواجع=والطيّب اللي يودع العلم مكتوم
احدٍ يسجل قصته بالمراجع=واحدٍ عن اضهار التفاصيل مفطوم
ياشوق انا مليت بعض المضاجع=في مهجعٍ ساسه من الساس مردوم
وان كان تعليم الزمن بالفواجع=عجزت اردد للمقادير معلوم
انا عن المبدا هذاك متراجع=ما عاد ابي من باقي الوقت تعلوم
عزمت ادنق للمقادير هاجع=لان القدر من خلقت الناس مقسوم
تبي الحقيقه عدني انسان راجع=غصبٍ عليه يقول للوقت مفهوم