مبروك خلّي .. عظّم الله بوحي .. قلبٍ ربيته .. عاد لي اليوم خوّان !!

[ركايز]

صدق الحكايه (( عرسك اليوم .. روحي ))
.. .. .. .. معقوله .. (( وين اللي تسمّيه خلاّن ))


صدق الخبر // ولا دعآيه ومزوحي
.. .. .. .. بالله تجبر خاطري ... قول غلطان !!!!!!

وشْلون مزنك جا و ودّع سيوحي
.. .. .. .. يعني الميانه طاحت .. بصدر خوّان


وش جاك ترميني على كف دوحي
.. .. .. .. أتعبني صمتك هنت // والحب ما هان !!

هاذي غلاتي .. يالعجيد السروحي
.. .. .. .. وش جاك .. علّمني .. ترى حيل ولهان


محلاك ورده والفرح بك يفوحي
.. .. .. .. والورد يلبس حزني اليوم فستان


معقوله .. كل اللّي حكيته يشوحي
.. .. .. .. من شان خاتم دبلتك .. بعت ما كان !!


معقوله وآنا اللي تغنّيت نوحي
.. .. .. .. وأهديت لك قلبي .. وأنا أقول ما خان

أسمع توكّل .. لا تقولين .. روحي
.. .. .. .. الله حسيبك .. بعتني رخيص يــ فلان !!


ممكن طلب يا بعد عزّي وروحي
.. .. .. .. تكفا .. طلب من خاطر إنسان لأنسان !!

إن قالوا ميّت والسبب من جروحي
.. .. .. .. مولودك الأول تسمّيه (( حمدان ))


مبروك خلّي .. عظّم الله بوحي
.. .. .. .. قلبٍ ربيته .. عاد لي اليوم خوّان !!


وش عاد (( بدري )) .. في وداعة جروحي
.. .. .. .. الله يبارك وصلك اليوم بــ فلان


لشاعر / حمدان المحرمي