يا بنت الودااااااااع الحل في السالفه وعفاش

[الـــكايـــد]

تقطع شرايين الموادع على ذكراش =ولا وده يقفي عن الدار واحبابه
علي الحرام ان عيشتي دون زولش ماش = لكن الزمن غلاب والنفس غلابه
وجودي على قربش ووجدي على فرقاش = وجود ابلج مضهود ولا معه لابه
ووجودي وجود اللي قطع حد مسح اخباش=على اخيه يوم انه نخاه وتعزوابه
ووجودي وجوده يوم ساقوه برشاش=مدام الممات العز والنخوه اسبابه
وجودي مثل وجده ووجدي على لاماش= لكن حظ قلب يلتفت لش وش ابغى به
وانا اللي من اول في الخفوق اكتبش واقراش= وادور رضاش وجرحي اعيل بطبابه
انا اموت فيش وكل ما مت فيش احياش=وصوتش لما سولفتي اموت واحيابه
لكن شيمتي تمنعني اخذي كلام كاش= صقر والصقر يرقا على راس مرقابه
مقامي رفيع وراس مثلي لمنه شاش= يوقف وغيره لي صمل تبرك اركابه
ولا يمكن اخاوي ردي ولا غشاش= ونسل القروم أقدره واكرم اشنابه
يا بنت الوداع الحل في السالفه وعفاش= وداع على عز ونقى مالي الا به
ولما رحت لا تبكين جعل الردي يفداش= بسوق القدم لو العذاب اتغذابه
ياغبني من الفرقا وويلي على لاماش= وانا بين نار وغار ومواجه ذيابه