أبشري بالفزعه يادمعة حزن

[بندر]

كتبت الأخت دمعة حزن موضوع بعنوان((فزعتكم ياعيال عمّي))

وأترككم مع كلامها:

ابي فزعتكم

تناقشنا انا وحده عتيبيه عن الانتخابات قالتلي مبروك علينا كرسي سعدون حماد وهاردلك يالعجمان

رديت عليها قلتلها حتى حنا مبروك علينا فوز خالد العدوه وعبدالله مهدي العجمي

قالت بس حنا فوزنا الاول




وبعدين ردت علي بهالابيات

وانا ابي فزعتكم ابي اسكتها

وياليت تردون على رسالتي باقرب وقت

صافحك كف الفوز غصبن بلاطيب=غصبن على اللي في المناصب حسدنا
حنا عتيبه مجودين المقاضيب=في شبرنا و مثبتين عمدنا
حنا الحميا والرماح المعاطيب=سقم الحريب انذوقه من رمدنا
حنا عتيبه مانعود مغاليب=سدنا على كل المخاليق سدنا
حنا عتيبه للمعادي مكاليب=صلفين لوجار الزمن واضطهدنا
حنا عتيبه معتلين المراقيب=حنا عتيبه امتوالي رعدنا
حنا العدود الصافيه والمشاريب=ومنهو ذخرنا للمواقف وجدنا
وتشهد لنا خيطان من دون تكذيب=فاز المسلم والعصيمي ولدنا
وسعدون كمل فرحنا والمكاسيب=كسابه الطولات حنا وحدنا
تاريخنا مافيه شكن ولاريب=نزرع مراجل وللمراجل حصدنا
وين العذارى وين ترف الرعابيب=وين القروم اللي وفوا في وعدنا
نبي نشيل الصف وبنشعل الطيب=نبي نجدد بالمواقف عهدنا

وهاذا ردّي عليها:

بنتٍ نختني جيتها بالمطاليب=لبيتها فزعه على من جحدنا
حنّا السباع اللّي بروس المراقيب=عجمان من يام العريضه سندنا
تاريخنا ماغير طيبٍ على طيب=لاقبلنا طيبٍ ولامن بعدنا
من قبل يوم الخيل والفطّر الشيب=سدنا وشخنا رغم قلّة عددنا
اليا وردنا العدّ حلو المشاريب=نارد ولحدٍ واردن لاوردنا
حنّا الردي فينا على الطيّب ايطيب=ومن زاد حنّاله على الزود زدنا
بخيلنا ذبّاح حرش العراقيب=ماهي خساره والكرم في مددنا
صغيرنا للضّيف صلف التراحيب=وشلون شايبنا؟؟ وهاذا ولدنا
هاذي موارينا على غير تكذيب=ولاقول حنّا بالمواري وحدنا
كل القبايل فالمراجل مقاضيب=وحنّا سنام المرجله ملك يدنا
وسعدووون ياما طرّ من فعلنا الجيب=بالستّه وتسعين يذكر عهدنا
من فعلنا الكايد غزا راسه الشيب=فزنا عليه وغصب عنّه صعدنا
واليوم بالنسوان فاز ابمناصيب=وحنّا صناديق المراجل حصدنا
وليد وينك عقب مارحت يالذيب=كثرت حصانيها وضاعت بلدنا

وسلالالالالالالامتكم