سقي الله ليلة عدت مع احبابي وخلاني

[فهدالشلوي]

مساء الورد لكل الاعضاء والاحباب وهذه القصيدة قلتها فى زمان (ن) قفا عسا مايعود :

انا والليل والقمره وباقي العمر وحداني = تضيق الخطوه بروحي ومنها ينكسر حالي
ركبت البحر فى ظلمه ولا أدري وين وداني = وياما من غثا الدنيا فقدنا خل(ن) وغالي
تشوم النفس لويدري مع القاصي على الداني = ودايم معدن الخوه يبين لو خفا تالي
ولاني ناصي(ن) منهو نصيته ثم يجفاني = عزيز(ن) مايودك لاتوده ياهوي بالي
زمانك ياخليلي راح مايبقي مع أزماني = وقفا الخاطر الزعلان يناظرني ويبرالي
تذكر لا سهيت بخاطرك ياخل ياجاني = على ايام (ن) مضت من عمرنا حلوات وازلالي
سقي الله ليلة(ن) عدت مع أحبابي وخلاني = غلاهم فاض فى صدري وفناجيلي مع ادلالي
تغيب الشمس ويحل الظلام اللي تعداني = وحيدن فى سواد الليل فى جوف الخلا الخالي
يسج الذيب فى عالي مراقيبه وهو ضاني = كريمن لادعا ربعه يجون الصيد زرفالي

وسلامتكم ،،،، اخوكم فهد الشلوي