اول مشاركة .. قصيدة رائعه للشاعر /محمد بن راشد بن الذيب العجمي" الأم "

[عرقووووووب]

سلام عليكم .. اول شي اتمنى انكم ترحبون فيني في هذا المنتدى اللي يشرح الصدر..
وهذي اول مشاركاتي اقدمها لكم قصيده للشاعر القطري .. محمد بن راشد بن الذيب العجمي..( الأم)
ــــــــــــــــــــــــــــــــــــــــــــــــــ ــــــــــــــــ

ياحسن من عادني طفل مانيب أسمّي

معظم الأشياء باسماها وقدني صيّه

كل ماقالوا عروبه قمت أشمّر كمّي

العروبه سوقها طايح على ربـيّه

اسمـع بقومية معمر وذبح الذمي

لكن الذمي بخير وماتت القوميّه

بس أنا من هل قطر ولانيب مهتمّي

لي مع بوش الابن علاقة شخصيّه

عندنا أكبر قاعده تشرب زحاح السمّي

يعني امريكا خويتنا ماحن بشويّه

أي واحد منكم يحاول يفوّر دمّي

والله ان أعلّم القوات الأمريكيّه

مشكلة شاعركم انه مايخص يعمّي

تختلط الأفكار والشرهه على النفسيّه

ابردي يالهفة الجمهور والا حمّي

مستعد أضحك الجمهور في مرثيّه

وياهجوسي نمّي الفكره وانا بنمّي

دهشة الجمهور من تركيبة القافيّه

من ثمان سنين أبغى اكتب قصيده فأمي

بس أخاف ان الرجال تقول وش داعيّه

وانته جنوبك كبار وعظمك الملتمّي

مايساعد هيكلك أصلا على الحنيّه

لين مرّه من حدى المرات لدّت يمّت

غترتي في حضني ومدري وين الطاقيّه

قالت محمد وقلت عروق قلبي سمّي

قالت محمد وقلت العز ياطاريّه

قالت العجمان لو تطمع بشربت دمّي

وش تسوي وانت عجمي وامك المريه

قلت لاتموتين والا مت شيلي همّي

يافديت رجولش الثنتين يارهابيّه

دوريلي ثار مايمتد لابنا عمّي

ماهيب لحية بني عمّي قالت لي هيّه

انحري عود الضلوع الكايدات وزمّي

واسكني قلبي بحد السيف والشبريّه

وخلّي اذنش ثابته واللي تسولف فأمي

والله ان اذبح من العجمان لك عجميّه

ويمكن أطلّع ابي من قبره المنطمّي

وأذبحه تسعين ذبحه بالدموع الحيّه

أذبحوني يآل مرّه واستبيحوا دمّي

والله ان اموت وانا احب لي مريّه

لاحد يفهم خطا ترى القصيدة في أمي

قلتها وانا حزين وجت تلقائيّه

وسلامتكم

اتمنـى انها تعجبكم