علمها كم لي وأنا ماشلت جوالي كله على عشان ماأقلب رسايلها .صوتيه

[رهينة الشوق]

هــذه الـقـصـيـده تـمـثـل أرضـيـة خـــصــبة لـمـن أراد أن يـتــعــمــق فــى حـنـايــاهــا.....

مــن الـمــمــكــن.....أن نــنـثــرهــا ..فــنــرســم بــمــعــانــيــهــا أروع الــمــفــــردات وأجــمـلـهــا...

ومــن الـمــمـكــن....أن نـحــولـهــا لــلوحـــة تــشــكــيــلــيــة تــعــبــر عــن مــكـامــن الـمـشـاعــر وفـحـواهـا...

ومـــــن الـمـمــكـــن...أن نــســتــشــعــر مـابـيــن بـيــتـهــا الأول والأخــيــر فـنـحـلــل مــغــزاهـــا....

ياصاحبي جيتك أبشكي لك عن أحوالي=جيتك ومدامك رفيقـي ليـه أطولهـا
العلم ومافيه ياأول وآخـر آمالـي=عندي رساله ولادري كيف أوصلها
اللي سبتني وانا من قبلها سالي=أبيك توقف معي وتروح تسألها
وش فيها تفتح علي أبواب عذالي=وتحمل النفس حاجه ماتحملها
وش فيها رغم الوفا تتركني لحالي=وأنا لجفاها تركت الدنيا بأكملها
وأن كان هذا زعل علمها يالغالي=ماكان قصدي ورب البيت أزعلها
علمها واللي يخلي قلبك الخالي=عن ضيقتي وين وصلت من تجاهلها
علمها كم لي وأنا ماشلت جوالي=كله على عشان ماأقلب رسايلها
علمها وشلون لامرت على بالي=أروح وأضم صورتها وأقبلها
وعلمها كيف أنشغل عن كثرة أشغالي=واسرح وأغمض عيوني وأتخيلها
علمها عني وعن همي وغربالي=علمها في كل حاجه في تجهلها
وان شفتها دنقت تبكي على حالي=أنسى الكلام وتذكر كلمه وقلها
قل شاعرك :بيعتذر ويعاهدك تالي=أنه يرتب حساباته من أولها
ويقول:حتى القصيد اللي على بالي=والله ماعاد أكتبه كانه يزعلها

فــهـــــــد الــمـــسـاعــــــد ..


احـــتـــرامــــــــي

__________________