رياحْ الوقت00لا جارت00ضروري 000تطرح العالي !

[عناد العجمى]

على متن الشقاء حطيت0مطلع هالبيوت اللال =

=ولك00يابو محمد بالوفاء وجهت انا اقوالي

سنين العمر مرت يابن عمي والحمول ثقال=
=ونْا ياخوك شفت من التناقض مابرى حالي

لقيت الناس مختلفين حد صاحي وحد بطال =

=وحدْ سامج عديم الطعم لامرٍ ولا حالي

وحدْ يعطيك من كيل الرخيص ومتعة الآمال =

=وهو في حد ذاته كاذبٍ ون قال ما طالي

هذا لامن بغيته حاص كنه ثعلب الادغال =

=بسرعة برق من زلق الحكي ياوي كيالي

وحدْ ماله سواء هرج القفاء وفلان قال وقال=

=يدْور كما الرحى بين البشرعمال بطالي

بلاه أبليس بالتدليس بوق وفوق ذا دجال =

=يوقُع بالنميمه بين خلق الله وهو سالي

وحدْ يشفي الغليْل ونفعته تبرد لهيب اللال =

=بشوشن لانصيته همك اللي تحمله زالي

صدوقٍ بالوعود وبالفعول يوكد الاقوال=

=صريح مريح واضح والحسد قلبه منه خالي

معْك يسعى بدرب الخيربيته للعرب مدهال=

=على الدنياء ودين الله معك في كل الاحوالي

هذا اللي لالقيته يابن عمي جوده بحبال=

=حبُال الود وثقها معه في دق وجلالي

هذ اللي يستحق بحق صدق يقال له رجال =

=عسى يفداه من لا يستحق يقال رجالي

وحدْ وده بفعل الخيرلاشك العدم قتال=

=كريم اخلاق بأخلاقه يروم المركزالعالي

وحدْ يتعب لغيره في حياته يجْمع الاموال=

=على نفسه بخيُل وحالته ياشين الاحوالي

وحدْ لامن عطاه الله تكبر وابتداء يختال=

=كما الطاووس زين الريش له بالحيل قتالي

تقِل ماهوب داري ان الامور تقاس بالافعال=

=ومع ذا للاس به ناس تخضع لأهل الاموالي

ومن لايحتٌرم ما يحترم لوطال مهما طال =

=رياحْ الوقت لا جارت ضروري تطرح العالي

حسبْ ماشفت قلت وكل رجلٍ له دلو وحبُال =

=حسبْ رايه ومفهومه يفسُركل الاشكالي

ونْايعجبني الطيب وقولة نعُم لك تنقال=

=يابن عمي لكم مني الوفاء ياطيب الفالي

فــــداك اللاش طراد الحكي ياطيب الأفعال =

=حسبْ عرفي بكم وجهت حرف اللال واللالي

منقول
الشاعر الادهم