حنٌا بني مرزوق للطيب نبراس

[راشد المسامح العجمي]

أولا يشرفني الانظمام لذا المنتدى اللي كل عجمي أو غيره من القبايل يفتخربه لأنه يستحق
وأتمنى أني أقدم مايرضي ذائقتكم... وكعربون محبه... أقدم ذا القصيده كبداية تعريفي بكم..

وأتمنى أنها تحوز على الرضى...

قالو علامك شارد الفكر محتاس=قلت الفكر شارد من اسباب مظنون
أبعد وأنا بعده من مقابل الناس=أبعِد وأنا وحدي في ذا الدار مغبون
أشره على حظي واصفق بـ الأخماس= وآقول ياليته وياكيف وشلون
ماعاد بي قوه ولا عاد بي باس=يقطعك ياحبٍ علي صرت ملعون
غصتني العبره وهو ميت إحساس= ماكن في قلبه آحاسيس وشجون
أبكي ولا أبين وآنا رافع الراس=مابي عواذل حبنا فيٌ يدرون
يدفن سنين العمر مابين الأطعاس=هذا وهو يسوى من الناس مليون
يكفي وكل شيٍ وضعناله إقياس=إليا متى ونقول مايخالف ..يمون
نرضى على كلش.. ولا الراس ينداس=والمرجله..؟ ماتنشرى فمال قارون
كلمة أحبك.. حبرها فوق قرطاس=يعني تأكد لانوا قلبك يخون..؟
مالي مكانٍ مثلكم فيه جلٌاس=واللي زرع كرهٍ من الكره يجنون
يابوك أنا طيب وذا العرق من ساس=في لابتي ما والله تشوف مطمون
حنٌا بني مرزوق للطيب نبراس=نتعب على كسب الجزايل ولادون
ماني مثل غيري ترى الناس..!! أجناس=وإذا على دمعي تبي ليه؟ وشلون؟
بعض الدموع اللي على الخد..((نوماس))=فرحة نجاحي..!! صادفة يوم تقفون


راشد المسامح العجمي