مصــــافحة أولـــى
( من قــديمـي )
اتمنــى ان تنــال الــقـبول,,,
يقولون القريـب إن راح لازم بالوصـال يـدوم!
وأنا ما أقول غير القطع بالأرحـام يـا ويـلات
ورى ما اشكي على القاطع مدام الجو فيه غيوم
ورى ما ابكي على قل الوصال وكثرة الطعنـات
كذا يا تركي ( الأردن ) تخلي صاحبـك مهمـوم
بعد ما كان جل الوقت يهين الدمـع بالضحكـات
أبو خالد .. قسم بالله يـا هـو حظنـا معـدوم
على خبـرك مقيريـدٍ يقضـي الليـل بالآهـات
على خبرك عطاله في بطالة والأمـل مصـدوم
على خبرك بخيل الحظ كريمه كتلـة الحسـرات
مصيري آآآه من هذا المصير القاسي المسقـوم
يرافقني على جال الوهم وأحس بـه هيهـات
هينا كانت معاناتي هينا كـان الفقـر مضيـوم
وبعيد هناك كان الحزن واقف تخنقـه عبـرات
عزايه للعذول إن هو شتمني قلت له : مقسـوم
وابخفي ضيقتي واكتم همومي وأطلق البسمـات
و يجيب الله فرج يا صاحبي للشاكـي الموهـوم
يجيب الله فرج يا صاحبـي و المرجلـة وقفـات
مدام إن القلق مع ذا الأرق دايـم يزيـد اللـوم
و مدام إن السهر مع ذا القهر في ليلتي خطـوات
أبترك دمعتي و ارحـل و أفارقها وأنا مهموم
وبضل اعزف على وتر الحزن يا مطول النكبات!!
11-09-2006, 12:19 PM
العرض الشجري