كنك على فرقاي تفتح لي الباب

[مشل الدويش]

البارحه ماهـي مشاريـه وعتـاب=لا والله الا البعـد كـشّـر بنـابـه
ياصاحبي وش مزعلك ويش الاسباب=يومـأن حوّلـت الفـرح للكـآبـه
كنك على فرقاي تفتـح لـي البـاب=وبتقطني من فـوق متـن السحابـه
وشفيك سكّرت الغلا بيـن الاحبـاب=وخليت قلبي منـك ينقـل صوابـه
ليتك سمعت اللي عوى بين الاحداب=ذيب ٍ عـوى مـن غيبتـك للذيابـه
من غيبتك كن القمر بالسمـاء غـاب=وكل الليـال السـود عقبـك تشابـه
ياصاحبي صاحبك من غيبتـك ذاب=عنوان حـزن الوقـت والا كتابـه
وين انت ياللي مالنا غيرك أحبـاب=مدهـال قلبـي بالغـلا وانتسـابـه