البنت والعبد اللي ذبح اهلها

[عناد العجمى]

القصيدة هذى لنورة ال رشيد قالتها بعد أنتهاء أمارة حايل ولم يذكر أنها تزوجت عبد او هربت مع عبد قالتها بعد سقوط حايل بالخيانة وهى تشكى حال الدهر بعد ما كانت بنت شيوخ وأمراء... هذااا اللى انا اعرفه والله اعلم .

ابكي هلي اهل العلوم المليحه=
=ولالوم عيني لو جرى دمعها دم
اخواني ابكي والقصور المليحه=
=أخواني اللي لابغوا لازم تــــم
ياما انتخو باسمي لياحل صيحه=
=ليا انتخوبي كافر الجن يسلـم
اسمي كما نجمٍ ضرب قاع بيعه=
=او الصواقع يوم للضلع ترجم
نوره انا اخت الشيوخ الفليحه=
=ابوي حاكم واخوتي صفوة الجم
ياحيف حايل فارقن ريح شيحه=
=بذيك الشغايا تقل ماقيللي سم
محمد طلال اللي جرح للقريحه=
=وناسٍ بنا خانوا وناسٍ بنا لم
خانوا بحايل كاسبين الفضيحه=
=واهل العمايم جعلهم في جهنم
اهل العمايم يدّعون النصيحه=
=جهال بدوٍ ماتعرف التيمم
لابد ماصلف الهواء يزيل ريحه=
=ومثلي يذوقوا لوعة الغبن والغم
يالعبد عقب العز كبدي جريحه=
=حب الوطن يالعبد من عصر آدم
ويالعبد هذي من حكايا الفضيحه=
=خل السهر لي وانت يالعبد قم نم
من أول نآمر تجيب الذبيحه=
=واليـــوم ياعصر الندم صرت لي عــــــــــــم