مراحب للجميع هذي قصيده للشاعر فيصل اليامي قراتها وعجبتني وحبيت انقلها لكم انشالله تعجبكم والقصيده تقول:
ما هيب لله جيتك يــــوم جيتي ... اكيد قصدك تجرحين وتروحــــــــين
ياما جرحتيني وياما قسيتــــــي ... وياما صبرت وقلت يمكـن تحسين
كنت افرح بحكيك الى من حكيتي ... واقول في نفسي سوالف محبيـن
يفــــز لك قلبي متى ما شكيتــــي ... ومن طيبتـــي اصدق انك تعانيــن
شريت حبك واحسب انك شريتي ... لقيتك لصـــــدق المشاعر تبيعـين
كنت احسب انك كثر حبي هويتي ... الظاهر انك ما عرفتـــــي تحبيــن
والحين قولي لي وش اللي بغيتي ... ما يكفي انك خادعتني من سنيـن
قولي وش اللي نا قصــك ما خذيتي ... خذتي الكثير وما قدرتي ترديــن
ان كان حكي ضايقك و استحيتــــي ... لو تسمحين الحين ودي تروحين
28-09-2006, 10:41 AM
العرض الشجري