الا يالله ياعالم بماضي الحب والاحوال .... تنسيني وتعفيني عن اللي اسمها الدانه

[مناحي الصميل]

مساكم الله بالخير والعافيه ..

ليا منه طرالي شوفة الدله مع الفنجال .... يفيض الشعر في قلبي واجر الصوت والحانه
وحظي لعنبو جدّه ليا مني عدلته مال .... يذكرني بماضي الحب وانا صامل بنسيانه
الا يالله ياعالم بماضي الحب والاحوال .... تنسيني وتعفيني عن اللي اسمها الدانه
طعون الحب تكويني وتبني في العروق اجيال .... وقلبي من همومه صار غارق بين شريانه
غدينا في دروب الحب نلعب لعبة الاطفال .... يلاحقني ويرضيني ويلم الروح بأحظانه
ولكنه طوى قلبي سوات الدمع لا من سال .... وتناثر دمعه البراق بين الرمش واجفانه
يناديني بصوت الحق لكني مريح البال .... وعقلي لا بغا شي(ن) تحزم وسط ميدانه
أعدلّها وأجملّها واعقد النحر بالسلسال .... وأضبطّها وأزيّنها وأجيب الزين من شانه
واعقد الحب لعيونه واحله ساعة الحلحال .... وأنقي له من أشعاري كلام(ن) يدخل آذانه
انا صدي عن احبابي هموم(ن) كلبوها ثقال .... وانا اعلنت حبي اليوم وعساني اضبط أركانه

وســـــلامتــــكــم ...