يســتــاهلــون بــنــي هــاجــر ..

[مناحي الصميل]

هذي رد على قصيدة فلاح ابن محمد ابن ذروه الهاجري
اللي ذكر فيها العجمان
اليكم القصيده :

يا خالق الإنسان ويا خالق الجان .... بسمك بديت و كلنا لك مطيعين
و أثني كلامي يا هل العرف لاثنان .... رجل حبيب و رجلن ماله محبين
هذاك مبروك و هذاك شيطان .... و العقل سلطنا عليه العناوين
في كل عنوان بوادر و نيشان .... و لاكل نيشان(ن) هدف يا هل الدين
الطيب لا حكم على الناس سلطان .... سلط عليه امرجحات الموازين
مابين مروين و مابين عطشان .... دنياك ما تسوى من الفلس قرشين
سريح قال المدح يثبت ببرهان .... و العجمي سنافي ولاهو بمسكين
والمدح لآل مفلح ولا أنسى آل سفران .... وآل ابن شامر و محفوظ و هتالين
رجال شجعان(ن) و فالطيب كرمان .... و لا هم يجرون الربابه بتلحين
و لا أنسى بني عمي هواجر هل الشان .... سيف(ن)مجرب خابرينه من سنين
و الخاتمه ربي خلقنا على شان .... نعبده سبحانه خلق فالبشر عين

واليكم ردي ويستاهلووون بني هاجر ..

ياطير ياللي جرتك عزف والحان .... بلغ سلامي للرجال العزيزين
بلغ سلام العز للطير حوران .... لا هانه الله نسل قوم(ن) كريمين
الزايدي رتب معاني وقيفان .... في لابتي يمدح رجال السلاطين
فكري توقد شعر والراس طربان .... والقلب يفخر في رجال(ن) قحاطين
هواجر(ن) وقت المدايح لكم حان .... مدح النشاما والرجال العريبين
انتوا بني زايد عريضين الأمتان .... والله يعين اللي عليكم حريبين
خزنة ظفر فرسان من صلب فرسان .... بتّارة اللي ضدهم لو ملايين
وبذكر مخاضيب(ن) على العز عنوان .... نطّاحة اللي سل سيف المعادين
واللي خلقني احمده سر واعلان .... لأنه كتب لي خوة(ن) ماهي بتلين
ربعي بني هاجر اجاويد وشيخان .... ودوم البيارق بأول الصف وتبين
وختامها صلّوا على سيد الاحسان .... صلوا على محمد ختام النبيين

وسلامتكم وسلامة الجميــع ... ولاهنت يافلاح ابن محمد صح الله لسانك واعتلا شانك..