السلام عليكم
هذي قصيدة من محاولاتي الشعرية واتمنى تحوز اعجابكم,, وفي نفس الوقت ابي اشوف أرائكم وانتقادتكم البناءة لأنكم بالاخير اخواني وخواتي ومنكم استفيد ،،،
ومشكوورين مقدما..
اخليكم مع القصيدة،،
ربعي الا مني تعزويت باسمهم=صار للعز هامة.. والمجد انثنى
ربعي العجمان في صدق أفعالهم=كل سيف وكل خنجر..شاهد بيوم الوغى
الشجاعة والكرم دايما تزها بهم=وطيبهم واضح.. مثل شمس الضحى
كل وقت له رجال زينهم في صيتهم=واشهد ان الصيت بهم تعلى واغتنى
معتلين في هامة العز من أول ساسهم=مكرمين الضيف في ضيق ورخى
واسألوا التاريخ عن فعل فرسانهم=كل فارس في طريق المجد سار وسعى
وشيخنا راكان لدروب الشهامة قادهم=طيب السيرة.. على وضح النقى
ياعسى الله يرحمه ويرحم حالهم=وفي جنان الخلد لهم مقر ومسكنى
ايه نعم افتخر وافخر وأنا في جالهم=صاينين العهد من وقت مضى
ربعي العجمان طيب الله فالهم=لو بوصف..طال وصفي مانتهى
وأدعي الله دوم يعلي شانهم=والحسود يموت.. وكيده في لظى
وفالختام صلاة ربي وخلقه كلهم=على نبي هادي الله بنوره خصنا
وسلامتكم
22-11-2006, 11:25 PM
العرض الشجري