مرثيه في الشيخ / علي بن مسلم رحمه الله

[راكان اليامي]

ضاق صدري عقب علم لفاني من جنيف =واستهاض الحزن في القلب واصخيت الدموع

جعل دار سويسرا مايـــــخضرها القنيف =وجــعل لايسقيك بالـخير يايـــوم الربــوع

الفضا مظلم ونور القمر مازاد شـــــــيف = اخـــتفى نوره ولا عــاد ينـــوي بالرجـوع

اهبطت طيارة الجامبو فوق الرصـــــيف =جات بالـــجثمان وانا اعــتزي بين الجـموع

قلت عدوها الحنج والخبر وقعه عـــــنيف = قالوا المكتوب غصـبا يجي من غير طـوع

اظلمت نجران والحزن في جده مخيــــف =واظلمت كل المدن وانطفت كل الشموع

ياثبات العز قصرك على العليا منيـــــــف = ياشموخ المجد ليــغبت يبـقا لك فــــروع

ماتجف انهار مدك لمنهجنا الشريــــــــف =بالولا تثمر غصون الرضا من كل نـــوع

انت يابن مسلم الطاهر السمح النظيــــف = انت يابن مسلم الصالح الشهم الـقنـوع

انت يابن مسلم الزاهد الجزل العفيــــــف =انت يابن مسلم اللي حوى زين الـطبـوع

مستشار وله مكانه ولا لهمن وصيـــف =يستحــد الكــايده ليــــن يجــبرها تــطــــوع
كالذهب من معدنه خالصن مافيه زيــف =تعجبــك لمعت بريقه ويبهرك الســـطــــوع

يرحمك ربي كريم العفو رب لطيـــــف = جعل في الجنه مقامك ولك فـــــيها ربـــــوع

ابكي ويبكي لفرقاه من قلبه رهيـــــــف = كم قــــــلوب لاعها الحزن من بين الـضلوع

ذا قدر مكتوب فوق البشر حكمه يحيف = لا اعتراض بحكم ربي وله منا الخـضــــوع

جعل له في جنة الخلد مرباع ومصيف =وجعل يسعد وسط قبره وينعم بالـــهـجـوع

اشهد انه نقصه على من عرف قدره كليف= واشهد ان فرقاه ضيقه وفقدانه يــلـوع

غيبتك يابو محمد لها وقع عصيــــــــــــف = غيبتك يابو محمد لــــهـــا وقع يـــــروع

جعل ربي يرحمك عد براق الخريـــــــف = وعد ما المسلم لربه ســـجوده والــركـوع

لويفيد الدمع لا بكيك لين اصبح كفيـــــف = لويفيد النوح لا نوح لك نوح الــــجـــزوع

للشاعر / حسين بن عبدالله بن السكران الصقور