{حبيت كفين الزمان وشكرته...}

[وردة العجمـان]

السلام عليكم

هذي قصيدة للشاعر سعد الحريص وان شاءالله تنال اعجابكم،،،

هبت جنوب وطاح برد المكاتيب=ويا كثر ما هب الجنوب وذكرته

يملا حضوره من حضوري وأنا أغيب=ويا ما غيابي في غيابه حضرته

إن جا مطر صارت له ضلوعي شعيب=وان راح ريح(ن) طيّر اللي بذرته

طال السكوت ومال صمتي مطاليب=غير الكلام اللي وقف وانتظرته

جنبت لو مالي عن الدمع تجنيب=من وين ما صديت فيني شعرته

واصمتي اللي صار فعيونهم عيب=واجرحي اللي لو فضحني سترته

لي صاحب(ن) يملا كفوفه تراحيب=لولا الحيا من ضحكته ما اعتبرته

يا صاحبي ما هي عليا مقاضيب=عذروبي انك ذخري اللي ذخرته

عذروبك انك شوهتك الأكاذيب =عذروبك انك جاك طيب ونكرته

ان جيتني بفراق زود العذاريب=لاجيك أنا من زود صبر صبرته

للطير جنحان وريش ومخاليب=لكن يضّيع صيدته في غبرته

ومن جزم نفسي يوم صار الردى طيب=حلمي قبل لا يكسرونه كسرته

ومن راح مني قلت لعله مصيب=دورت له عذر(ن)كريم وعذرته

للي يبي بعدي أنا ماني قريب=أما ربحني وإلا أنا ما خسرته

قلبي خويي ما لقلبي معازيب=واللي حقرني من رداه احتقرته

رغم الجروح اللي بقلبي معاطيب =حبيت كفين الزمان وشكرته

سلااااااامي للجميع