حنا عرب نعم عرب يا اوربا%%ماعندنا الا جبن ولا مربى

[Faris]

السلام عليكم

انقل لكم قصيدة مروبعه للشاعر ياسر التويجري

واتمنى ان نحوز على رضاكم

البارحه في يوم عشره يناير=دارت على الراس المحنك دواير
حاولت اغير في الزمان المغاير=ولاحصل لي شي غير اللذي صار
* * *
الله يعزك ياقضية فلسطين=من اربعينك لين سبعه وستين
ومن اولك وين بكره وبعدين=لولاك كان تضيع نشرات الاخبار
* * *
حنا عرب نعم عرب يا اوربا=ماعندنا الا جبن ولا مربى
الشخص منّا لاتبيّن تغطا=وهذي سياسه للهدو قبل الاعصار
* * *
سيوفنا وقت الملاقى شطيره=يعني على ماقيل مثل الشطيره
وهذا دليل(ن) مع نقاء السريره=والله يجيب الخير وتطيح الامطار
* * *
سلام يا بوش الابن يا مبدّى=ياللي على كل المبادي تعدّى
طيّب لو انه عند ربعي تردّى=وقدامنا جنه وقدامنا نار
* * *
ياكوندليزا رايس اهلن وسهلين=يأم الجمال اللي يهز السلاطين
غنجك ذبحله فوق خمسة ملايين=هذي ضحايا والضحايا بك كثار
* * *
فخامة الرئيس حسني مبارك=يحفظ جزء عمّ وينسى تبارك
وأكبر دليل انّه يقود المعارك=مواقفه لاجات حزّات الاخطار
* * *
القاهره بلد حضاري وبطران=فيه البنات انواع واشكال والوان
من هارديز أليا ميدان لبنان=واحسن بنات اللي يجن طرق وصغار
* * *
ورموشهن شبرين وعيونهن سود=وانعم من الديباج وارهف من العود
مباسمن حَلْوى وحجّان وخدود=كسلات في الممشا وفي الغنج شطّار
* * *
انا هنا يمكن قبل اربع اعوام=رحت اتمشّا عند هامات الاهرام
وركبت مع تاكسي وقدّام قدّام=حتى تعدّينا بقاله ودوّار
* * *
وجينا واثر فيها خيولن عريقات=اجدادها قد شاركت في الغزوات
اجارها يمكن بأربع جنيهات=وزوّد صفر ولاتدقق بالاسعار
* * *
اخذتلي خيل من كرباج واقفيت=يعني على قولة عنيت وتمشيت
وياليتني مع المقادير ماجيت=ولا رأيت اللي يهستر بالانظار
* * *
فيها البنات يسابقنّ الرياجيل=اللي عليهن ضيقات البناطيل
فوق الخيول يجاذبنّ المواويل=مهار لكن فوق قبّات المهار
* * *
غازلتلي وحده ولاعبرتني=حلوه وفيها من ملامح برتني
واقفيت اشيل الهم من فوق متني=عقب ماقالتلي حيوان وحمار
* * *
وانا مانيب انسان واطي وسافل=انا من اللي يحتمون القوافل
احيان مكفول(ن) واحيان كافل=واكره مااشوف الظلم والذل والعار
* * *
ابترك الموضوع وادخل بموضوع=دام ان صوتي عند الاجواد مسموع
نبينا محمد ولاهوب يسوع=المصطفى الهادي شفيع(ن) للابرار
* * *
لو انتحر صدام من قبل ينهان=وخلاّ المشاكل كلها فوق برزان
ماكان مصخر به قدم كل الاعيان=عزيز قوم ذل بأيدين الاقدار
* * *
سبيس تون ان كان في الناس حيره=افضل بواجد من قناة الجزيره
تضحك الورعان وقت الظهيره=وهذي تبكينا ليا جات الاخبار
* * *
وختامها مدري وش اقول لكن=مااحب انا اسمع اغنية الاماكن
من ثقل هم(ن) بين الاضلاع ساكن=الله يحرول ساقة رجلي عن البار

وسلامتكم