المشاكل والحمول

[موج الأحزان]

السلام عليكم..

بعض القصايد تطلع من دبلة الكبد

والله يعين كبودكم على ذالدنيا

ليتني أقدر على كثر المشاكل والحمول..

الحمول الزايده! عن طاقتي مالي بها..

طال صبري ياعرب والهم زايد بي يجول..

ماخذن مني حياتي والحظوظ اللي بها..

والله إني صابرن ثم صاح صبري لي يقول..

ليتني أقدر أجاري همتك وأجري بها..

أنتا أصلا" واحدن عزمك عجيبن ماينول..

جاني منك شي ضيع قوتي واللي بها..

رح ودور من يعينك والله الواحد يعول..

يعلم اللي في عباده والهموم اللي بها..

رح وعود لاتعدل وضعك اللي به علول..

وضعك اللي به علولن دايم تشكي بها..

لكن اللي ماعرفني ماعذرته لويقول..

لويقول إنك تعنز من بغى يشقي بها..

الشقا لو هو عليّا ماطلبته من زحول..

لكن الدنيا صعيبه والشقا من صيبها..

ودي أكذب وآتذكر كم عسفنا من ذلول..

كم غزينا وكم فعلنا فعلتن نطري بها..

كم جمعنا من غنايم! كم ذبحنا من فحول..

الفحول اللي تنومس من بغى يسري بها

هذا حالي ماتعود يسرد الكذبه بقول..

زين حالي وزين طبعه ماعرف يحكي بها..

هذا عمري وإن رفضت مدري يقصر أو يطول..

ليت يقلب للمعاني والحروف اللي بها..

المهم إني أعاند لا ولا بي من خمول..

أدعي اللي فاق عرشه للسما واللي بها..