الـــــجــــادل

[مشل الدويش]

قصيده لشاعر الرائع سعد المويهي

الجادل اللي اليـا قفيـت عنهـا قربـت=الله يـرحـم طوايفـهـا وجـدانـهـا
مل الورق من قصيد فراقهـا وأكتئبـت=كن الورق ضايقن منـي علـى شانهـا
أحـس كنـه يحـس بضيقهـا لاكتبـت=يقـرا علـوم القصايـد قبـل قيفانهـا
أربكتها ليـن جتنـي كلهـا وأنسحبـت=تركتهـا للتعـب والخـوف وأحزانهـا
كذب عليها الزمن مدري عليهـا كذبـت=مدري من اللي سعا في دمعة أعيانهـا
وأنا أدري أني قدم وبل الحنان أنتصبـت=وحدرت سيله علـى الفرقـا ووديانهـا
أتعبت بنت الغـلا وأنـا بنفسـي تعبـت=والمشكلـه ضيعتنـي يمـة أوطانهـا
يزم لعيونها فـي ديـرة الشـوق نبـت=أحاول أنسـى ونفسـي زاد عصيانهـا
شريتها يوم سبت وبعتهـا يـوم سبـت=في يـوم واحـد مواصلهـا وحرمانهـا
والله لو تدري الغيمه عن اللي شربـت=كان أستحـت مانـزل للقـاع هتانهـا
والله لوتدري الظلما عن اللـي قضبـت=كان الصباحات ماترحل عـن أوطانهـا
والله لو يدري أحساس البشر وش كسبت=كان أنكسر كل قلب وطـاح بأحضانهـا