,’,’,’ لبيـــــــــه يمّـــــه ,’,’,’

[مشاعر حالمه]

السلام عليكم ورحمة الله وبركاته ..

قصيدة كتبتها في عمتي المريضه ...(وقد عملت عملية خطيره في القلب ولكنها الآن بخير )

اتمنى ان تنال اعجابكم ..

,’,’,’,’,’,’,’,’,’,’,’,’,’,’,’,

راحت ودمع العين يسبق خطاها=كم مرةٍ أقول لا ..لاااا تروحين

طرى عليها البعد تالي مساها=قالت بودعكم واباروح يازين

راحت وراح الهم يمشي وراها=الزوج شايب والبلا فاقد العين

كانت تبي كلمه تخفف عناها =لبيه (يمّــة) امري وش تحبين

لبيه (يمّــة) امري وش تحبين

لبيه (يمّــة) امري وش تحبين

احترت مادري وين احصل دواها=راح العمر كله وهي ترجي جنين

لوهي تبي روحي وقلبي فداها=عمه من النسوان تسوى ملايين

يحق لي ابكي و أحزن معاها =ويصير جرحي داخل القلب جرحين

عسى الفرح والانس يملى سماها=يالله عساها تعيد العيد عيدين

,’,’,’,’,’,,’,’,’,’,’,’,’,’,’,’,


ملاحظه ( العمـــه عقيــــم وهذا مازاد حزني وألمــي )

وسلامتكم أختـــكم / مشاعر حالمــه