ابـــتـــاعـــنــــي

[غلا العجمان]

ياعين كفي دمعك الهمال
والقلب يكفيه العنا يكفيه

لي مده ماذقت راحة بال
واصبر على مرَ القهر واخفيه

كنت احسب صويحبي مازال
يضمر بقلبه حب من يغليه

واصبح على عكسي معي محتال
غادر دياري وانقطع طاريه

ابتاعني بوشاية العذَال
اهل الحسد بقلوبهم تبديه

احرق فؤادي والحروق ثقال
ماي البحر لو صب مايطيفيه

أختار فرقا عشرتي واغتال
فرحة خفوق كان يرقب فيه

لاباس ياقلبي يزين الحال
من لا يفكر فيك لا تبكيه