البــــارحه...!!!

[العنود الهواويه]

البارحة..

وأبعاد فكري سارحة..

ما بين أحلام شاهقة..

وأغواري المالحة..

ألا يا حيرتي البارحة..

مع سكون الليالي..

..جالسه لحالي..أسامر خيالي..

ما بين علمِ جالي.. و ماضي بالي..

ما دريت.. والقلب داري..

كنت أحسب أمس ماضي..

و القدر عني راضي..

ولا جاء بالي..

مشهد أعلن فيه القدوم..

وأشهدت الأفلاك والنجوم..

جاني..والحزن في عيونه..



آخر عهدنا..

سالفة قديمة ..من قصة أليمة..

نساها الخاطر .. وذكرها الحاضر..

تخيلوا..

البارحة جاني..

جاني يعتذر عن خطاه..

ويطلب مني أسامح ..

وأرمي الماضي وراه...

ويرجي أكون مسامحه..

وما درا عن قلب نساه..خلف نسياني رماه..

كيف أسامح ؟

وأصير مسامحه..

ما دام الصورة مكسورة.. والجبر ما يلملم الصورة ..

لا ضاع وجهي بين الكسور..وتاهت حروفي وسط السطور..

من يعيد لي البسمة المشهورة..

ألا يا حيرتي البارحة..

قال : آخر طيوفي الوداع..

قلت : زمان الحب ضاع..

قال : لا ترميني بآخر القاع..

قلت :مادام الشاري باع..

و الغيم رد الشعاع..

بسافر..

لو السفر بيم وشراع..

هلا بالعمر اللي ضاع..

ألا يا حيرتي البارحة..

بكى ..و شهق..

عبرة بوسط الصدر..حبس ..

ومن حينها..

و الذكرى هاجرت..

يم الهجير.. سافرت..

وأنا ..اللي

على كتوفي..

شلت الجرح..

بضمة كفوفي..

ورحت..

وسط صمتي..

للشوارع أنثر أحزاني..

و لأقرب رصيف عنده..

أرمي ذكرياتي..

وأنااللي للأمس شقّيت..

وأنا اللي..

لا صديت صديت..

/


/


العنــــــود الهواويه