مـايـصـح الا الـصـحـيـح : وسـالـم بـن جـخـيـر

[اخـو هـيـا]

واهني اللي ليا ضاق طنّب بالصياح=ولا انا من روس ربعي وعيب اني اصيح
كل ماقلت ان قلبي من الهم استراح=كن قلبي يصرخ بصوت ماني مستريح
وكل ماجيت أزرع الورد والدنيا كفاح=من رداة الحظ لامن زرعته صار شيح
صرت بلسم جرح ولا سِلمت من الجراح=شي مايعقل أداوي وانا اصلاً جريح
صرت عايش في تناقض وحظي يوم طاح=قمت اشيله قمت اشيله وهو غاوي مِطيح
الوفا اصبح غدِر والغدِر اصبح مباح=والبخيل اصبح جزل والكريم اصبح شحيح
والقراح اصبح عكر والعكر اصبح قراح=والقبيح اصبح حسن والحسن اصبح قبيح
وكل بارد قلب ماينفعه كثر السناح=لويطول الدرب يتعب وتسمع له فحيح
وكل برقٍ ماشعفني بريقه يوم لااح=وش علي منّه ليا غاب جعله في قِريح
بس لامني ذكرتِك ياعبدالله فلاح=اتذكر طيبة القلب والراي الصريح
جدّك ذويبان والطيب من يمناك فاح=وانت قد المدح والمدح للرجل المديح
انت شفت (الخلفه) اللي تمشّى فالصحاح=احدٍ جاها بسيفه واحد جاته منيح
نِعنباها ماعطتني سوى السم الذحاح=ولاّ غيري تترس الطّاس له حتى يسيح
والذكي مثلك يعرف الرسوب من النجاح=ولا بعض الناس معروف يبقى الميح ميح
والله اني ضد كلمة ترى كل شي راح=وضد منهو قال ذالباب سدّه واستريح
والسوالف جد والله مافيها مِزاح=والنهايه حالفٍ مايصح الا الصحيح


وسلامتكم : للشاعر سالم بن جخير ( مع تحياتي اخوكم الجريح سابقآ