حبيّب العازمي والخطيّــــــــه...((كامله))

[النقال]

الكل منّا سمع القصيدة الصوتيه بالموّال بصوت عبدالعزيز العازمي وهي من كلمات الشاعر الكبير حبيب العازمي..


أتمنى أن تنال أعجابكم

سامـح الله مـن قصدنـي واعتمدنـي بالخطيـه = مـن قريبيـن الجـدود ومـن بعيديـن الـجـدودي
دايـــمٍ مايـفـلـح الـلــي غـيّــر الـنـيـه بـنـيــه = والخطيـه كــان ماتنـقـص تـراهـا مـاتـزودي
خـابـر انــك مـاتـروح بعـيـد يــاراع الـرديـه =لـو مشيـت (2000) كيلـو ماتعديـك الحـدودي
انـــت طـرقــيٍ مـعـنّـى لاشـــداد ولا مـطـيــه = لا انت فتـال العقـود ولا انـت حـلال العقـودي
لــو تـحّـزم بالـرصـاص ولــو نقـلـت البنـدقـيـه= الرصـاص يـذل والبنـدق تـذل مــع الـشـرودي
هــبّ وانــا راعــي العـشـوا وخـيّـال العبـيـه = كيف يارخـو العضـود تضـد مفتـول العضـودي
والله انــــي لا كـلـيــل ولاذلــيــل ولاعـلــيــه = مير احسـب لـي علـومٍ مابقـي منهـا وجـودي
احسـب حسـاب الرفـاقـه والـمـروه والحمـيـه = حشـمـة للطيبـيـن الـلـي بعضـهـم فاللـحـودي
نظـرتـي فالطيبـيـن ونـظــرة الـحـسـاد فـيــه = كلها نظرة حسد والعـود فـي عيـن الحسـودي
والله انـي مــا ادعـيـت بحـجّـةٍ ماهـيـب لـيـه = حجتي ما تنجحد واللي جحدهـا مـن شهـودي
خافـوا الله يالقضـاه اللـي تعرفـون القضـيـه = الصحيـح يسـود والباطـل مصيـره مايـسـودي
لامطالـبـكـم بـديــن وذمـتــي مـنـكـم بــريــه= مابقـي غيـر العلـوم اللـي يبيـحـن الـسـدودي
بـيّـنٍ عـيـد رمـضــان وبـيّــنٍ عـيــد الضـحـيـه = ياعسى الاول يعود وياعسـى الثانـي يعـودي
ياقـطـن جـاتـك مـزوّعـةٍ مــن الـحـرّه طـمـيـه = مستخفّـه عـقـب كـانـت لارمــوح ولاهـبـودي
ساقهـا عشـق الجنـون وساعدتهـا الجاذبـيـه = ليـن عدتـهـا الجـبـال المستطيـلـه والنـفـودي
معجزه في عصرنا الحاضر وعصـر الجاهليـه = الهوى صـاب الحجـر مابـه قلـوب ولا كبـودي
ويـن قيـس بـن الملـوح ويـن ليلـى العامـريـه = كيف ماينصفهـم اللـي ينصـف ديانـا ودودي!!
والعـزا فيمـا بقـى والـلـي بـقـا فـيـه البقـيـه = مــرة الايــام بـيـض ومــرت الايــام ســـودي
يالله اجـعـل خاتمـتـنـا بـالـسـلام وبالتـحـيـه= ونتوفـى محرميـن وفـي حـرم ربـي سجـودي

وســــــــــــــــــــــلامتكم