مساء الخير ..
.
.
إيشوق عيني شوف برّاق الأمزان=وإيفزّ قلبي كل ماحنّ راعد
وإيمرّني طيفٍ له إشهور مابان=وأتخيّله ماشي.وواقف.وقاعد!
إيمرّني وإيروح مقفي وعجلان=وأقول: تكفى طالبك لاتباعد
ذكرت يومنّا على العهد خلاّن=يوم السواعد.تلتقي بالسواعد
ياصاحبي خلّيتني في (خبر كان)=إتواعد وتخلف وترجع تواعد
مابين حبّك والمقادير حيران=والحظ لاجيت أسنده مايساعد!
ماتدري إنّك لوتقدّر بالأثمان=أغلى من أسورة الذهب والمضاعد
سهمك بسوق القلب ثابت وبطران=(مؤشّره) ماهوب نازل وصاعد
وإن كان قلبي طايره فأنت يفلان؟=فالطايره حجزت كل المقاعد!
خذيت منّي قلب وإعيون وإلسان=وحطيت لك بين المحاني قواعد
وإن جيت وصفك.من يشبّهك غلطان=مالك شبه فمنقّضات الجواعد!
يقسى من إبيوت (إبن وسّام سلطان)=وأرقّ من شعر (الرّشيدي مساعد)
إخذ خلاصة كُل هرجي على شان:=تدري خويّك يوم واعدكْ .. واعد
أبنتظر وأصبر لوإنّ الصّبر كان؟=كثر إنتظار العسكري لتّقاعد!
04-04-2007, 01:39 PM
العرض الشجري