من غلاه انومه وسط عيني قبل انام

[ابن المحلكم]

يالله ياللي تبعث الخلق يامحيي العظام=ياسميع ويامجيب لمنهو يرتجيه
احفظ اللي فيه قلبي تعلق واستهام=احفظه لي واحرسه واحفظه لامه وابيه
من غلاه انومه وسط عيني قبل انام =والرموش جيوش متشابكه تسهر عليه
والجفون غطاه قبل المنام وفي المقام =فالمنام لحاف وان قام فالجفن يحميه
ان نوى ينزل على القلب تبنى له خيام =في رياض القلب وعروق قلبي تحتويه
وان وصل يسمع تراحيبنا ياصلب يام = والضلوع تحن من جور ما تقدر عليه
الحلا والملح والنور دايم في خصام= في سباق وفي خصام على خلي تبيه
لين صار النور يجلي عن الوجه الظلام = والحكي مملوح واما الحلا ساكن بفيه
كيف اوصف ليه اوصف ويلحقني ملام= يوم اقول اوصافها وافتهم لي يانبيه
الحقيقه قبل مانهي القصيده والختام=والله ان كلي بكلي يحبه كلبيه
والسكوت ابلغ من الهرج وكثير الكلام =فالنهاية صاحبي ابتدي به وانتهيه

(ارجو ان تحوز هذه الابيات على رضاكم وسوف اتقبل الانتقادات بكل صدر رحب )