يسعدلي صباحكم / ومساكم 
قصيده للداهيه محمد جارالله السهلي للتواصل عسى ان تحوز على رضاكم
البارحه مابين همي .. والاوراق=جر القلم طاروق حزنٍ يسليه
واسترسلت ابيات شعري من اعماق=الموقف اللي مر .. وازريت اعديه
موعد لقا .. مبني على نيّة فراق=كان الاخير وضيّق الصدر طاريه
ولاهي غريبه لو اقول الصدر ضاق=لكن الاغرب !! كيف ماودّعه فيه؟؟
كانت دموعه تختنق بين الاحداق=ونظرات عيني تقتله ثم تحييه
كني جلست اعلمه كيف يشتاق=وكنه يعلم شعري شلون يرثيه
شح الزمن بمواصله .. والمسا ساق=حزن القصايد والعتب والمشاريه
ياليل والله ماورى ليلك اشراق=النور عانه يسحبه في خطاويه
عشاق قلي ويش ؟؟ او ليش عشاق؟؟=الاضحايا وقت مدري شسميه
يقطع سنين العشق يادرب الاشواق=ياليت بيدي شي واقدر اسويه
وسلامت قلوبكم
20-04-2007, 06:05 AM
العرض الشجري