لــ فلاح بن سعدى .. لك ارفع البيضاء

[فايزالبراهيم الشمري]

ابيات متواضعه جدا ووليدة لحظتها
قلتها كهديه
لاخي وصديقي الوفي

الشيخ والشاعر

فلاح بن سعد ال سعدى

شيخ الهتلان من قبيلة العجمان

ولهذا الرجل العزيز
معزه خاصه بنفسي
ومهما قلت عنه او كتبت له لن اوفيه حقه
علماً ان شهادتي بهذه القبيله انا شخصياً
قد تكون مجروحه
ان لم تكن مقتوله اصلا
اترككم مع القصيده على امل ان تحوز على رضاكم




الله يبيـض وجـه / راع الجمايـل
.............وانتم هل الجـزلات / اول وتالـي

وقفاتكـم بالطيـب بيـن القبـايـل
.............يابو سعد / له يشهـدون الرجالـي

بيضاء توجه لك / من "جبال حايـل"
.............اسوقهـا يمـك / واميـل عقالـي

وطيبك وفعلك لـه شهـود ودلايـل
.............وفيـت والله يـازبـون التـوالـي

لك ارفع البيضاء . بجـزل المثايـل
.............يا الطيب اللي صحبتك " راس مالي"

يالله يامنشـي / صـدوق المخايـل
.............يامـن عليـك اليـوم كـل اتكالـي

تعز من عنده / تشـوف الصمايـل
.............صميدعـا لحظـة نخيتـه مشالـي

زبن الغريب .. وعون منهو تهايـل
.............العجمي اللي قـام لـي / وانتخالـي

فلاح بـن سعـدى ولاهـي تحايـل
.............مدحه فخر شعري وعطـر المثالـي

عسى فداء مطـاه / ناسـاً هزايـل
.............اهـل العلـوم الخايبـه والهزالـي

تمت / ولا اطلب .. من وراه البدايل
.............الا الثنـاء وردود طيـب الرجالـي




لــ فايز الشمري ــ الكويت